Primeiru-Ministru, Taur Matan Ruak. Imajen TATOLI/Egas Cristóvão

DILI, 15 abríl 2021 (TATOLI)—Primeiru-Ministru (PM) hanesan mós Komandante Operasionál Sentru Integradu Jestaun no Krize (CIGC, sigla portugés), Taur Matan Ruak, fó ona orientasaun ba CIGC hodi negósia ho família para hakoi ona matebian Armindo Borges (47).

“Ohin, ha’u fó instrusaun ba sala situasaun para komesa negósia no ko’alia ho família sira atu bele hakoi mate-isin ne’e”, Xefe Governu ba jornalista sira hafoin hasoru Prezidente Repúblika, Francisco Guterres Lú Olo, iha Palásiu Prezidensiál Bairru Pité, ohin.

Akompaña ho Vise-PM no Ministru Planu no Ordenamentu, José Maria dos Reis, Ministru Obra Públika, Salvador Pires, Xefe Ezekutivu ne’e informa mós problema Vera Krúz ba Xefe Estadu.

Naturálmente, PM hatutan problema ne’ebé tenke tau atensaun mak protokolu saúde nian. Iha espekulasaun barak katak regra sira-ne’ebé protokolu fó ne’e desizaun Governu nian maibé protokolu saúde ne’ebé médiku sira ko’alia.

“Atu hetan solusaun ba ida-ne’e, ha’u fó sáude. Ha’u-nia pedidu ida ba ita-nia dotór sira hanesan Rui Araújo, Sergio Lobo, no Nelson Martins para sira fó konsellu. Ha’u husu ba sira para sira ko’alia liafuan ida de’it ba Xanana. Tanba Governu nia preokupasaun ida de’it. Se ita labele halo buat hotu ita-nia ema labele mate, ita tenke halo. Tanba COVID ne’e problema globál,” Taur Matan Ruak hateten.

Primeiru Minsitru espera problema ida-ne’e bele ultrapasa, no nu’udar Xefe ba Sala Situasaun husu deskulpa ba família sira liuliu ba família mate-isin ne’ebé hakoi uluk ona iha semitériu Metinaru.

“Ha’u mós husu kompreensaun sira-nian para que tau ita ema barak ninia saúde preokupasaun ema barak ninian ne’e, em primeiru lugar,” Taur dehan.

Negosiasaun ne’e halo ona hosi Diretór Sala Situasaun-CIGC, Brigadeiru Jenerál João Miranda “Aluk” ho ninia ekipa.

Notísia relevante: Xanana agradese ekipa CIGC

Jornalista       : Osória Marques

Editór             : Cancio Ximenes

HAKEREK NO HATÁN

Please enter your comment!
Please enter your name here