Prosesu haloot mate-isin Armindo Borges iha Simitériu Manleuana, tuir protokolu saúde ba pasiente COVID-19, kinta (15/04). Imajen TATOLI/António Gonçalves.

DILI, 15 abríl 2021 (TATOLI)—Líder istóriku, Kay  Rala Xanana Gusmão, akompaña ho família matebian, haloot ona mate-isin Armindo Borges (47) iha simitériu Kamalhout, aldeia Badiak, suku Manleuana, postu administrativu Don Aleixo, munisípiu Dili, ohin tuku 16:45 lorokraik.

Molok hakoi mate-isin Armindo Borges, família realiza misa iha simitériu Manleuana ne’ebé dirije hosi Padre Domingos Maubere no Ângelo Salsinha.

Misa funebre molok haloot mate-isin Armindo Borges iha Simitériu Manleuana, kint (15/04). Imajen TATOLI/António Gonçalves

Hafoin misa, prosesu funebre realiza hosi ekipa forsa-tarefa hosi Ministeriu Saúde no Sala Situasaun-Sentru Integradu Jestaun Krize (CIGC, sigla portuges) tuir protokolu saúde.

Tuir observasaun Agência TATOLI iha terrenu, ema kuaze rihun maka akompaña prosesu funebre.

Ekipa forsa-tarefa prepara haloot mate-isin Armindo Borges tuir prokolu saúde, iha Simitériu Manleuana, kinta (15/04). Imajen TATOLI/António Gonçalves

Enkuantu, bainhira transporta mate-isin hosi sentru izolamentu Vera Cruz, ema ne’ebé akompaña ladún barak, maibé iha viajen ne’e ema komesa akompaña tutuir dalan, liuliu joven sira.

Armindo Borges (47) hakotu iis iha domingu (11/04), tanba moras stroke no bazeia ba rezultadu teste swab ne’ebé ekipa saúde sira halo, hatudu rezultadu pozitivu COVID-19, tanba ne’e ekipa forsa-tarefa hosi Sala Situasaun-CIGC no MS, asegura atu haloot mate-isin tuir protokolu saúde iha Metinaro.

Prosesu haloot mate-isin Armindo Borges iha Simitériu Manleuana, tuir protokolu saúde ba pasiente COVID-19, kinta (15/04). Imajen TATOLI/António Gonçalves

Enkuantu, Xanana ne’ebé reprezenta família matebian, defende katak nia maluk hakotu iis tanba moras komplikasaun, ne’ebé la’ós tanba COVID-19, tanba ne’e husu atu hasai mate-isin hosi sentru izolamentu hodi entrega ba família no haloot tuir tradisaun Timór.

Hafoin negosiasaun durante loron haat, hahú loron 12 to’o 15 abríl (ohin) hetan duni solusaun hodi entrega mate-isin ba família hodi haloot maibé nafatin tuir protokolu saúde ne’ebé realiza hosi ekipa forsa-tarefa.

Armindo Borges nu’udar pasiente óbitu COVID-19 daruak.

Jornlaista: Florêncio Miranda Ximenes

Editora: Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here