Presidente Autoridade RAEOA-ZEESM-TL, Arsénio Paixão Bano, simu materiál COVID-10 hosi reprezentante Ministériu Saúde. Imajen/Mídia RAEOA.

DILI, 10 abríl 2021 (TATOLI)–Ministériu Saúde liuhosi Servisu Autónomo de Medicamentos e Equipamentos de Saúde (SAMES) ne’ebé reprezenta hosi Inacia Amaral Soares no Domingos do Santos, horisehik (sesta, 09/04), entrega ona materiál sensitivu no naun sensitivu kona-ba COVID-19 nian ba Prezidente RAEOA, Arsénio Paixão Bano.

Materiál sensitivu ne’ebé RAEOA simu hosi Governu liuhosi Minsitériu Saúde mak hanesan materiál vasinasaun ho Marka AstraZaneca vials/botir ho Total 136 Unidades ne’ebé ekivale 1.360 dosis, no materiál naun sensitivu sira mak hanesan Banner, Pamfletu no Poster.

Presidente Autoridade RAEOA-ZEESM-TL, Arsénio Paixão Bano, hateten vasina AstraZenca importante tebes iha planu no programa nasionál no Orgnaizasaun Mundiál Saúde (OMS) nian hodi kontra COVID-19 iha Timor-Leste.

“Hau nu’udar Presidente da Autoridade RAEOA, sei entrega direta materiál hirak ne’e ba Sekretáriu Rejionál Saúde no Servisu Komisaun Rejionál Prevensaun no Mitigasaun Surtu COVID-19 RAEOA nian,” Arsénio Paixão Bano hateten iha ninia diskursu iha serimónia entrega materiál COVID-19 ne’ebé realiza iha Aeroportu Rota do Sandalo RAEOA, ne’ebé Agência TATOLI asesu, sábadu ne’e.

Imajen/Mídia RAEOA.

Arsénio Paixão Bano husu ba autoridade saude atu haree didi’ak materiál hirak ne’e, no husu mós ba Sekretário Rejionál Saúde atu trasa planu no programa ho di’ak, atu nune’e iha tempu badak bele realiza programa vasinasaun ida-ne’e iha RAEOA ho susesu.

Partisipa iha serimonia entrega materiál hirak ne’e mak hanesan Presidente Autoridade RAEOA-ZEESM TL, Arsénio Paixão Bano, akompaña hosi Sekretária Adjunta Reforsu Instituisionál Leonia da Costa Monteiro, Sekretáriu Adjuntu Asuntu Sosiál Maximiano Neno., Sekretáriu Rejionál Saúde Manuel da Costa.

Sekretáriu Rejionál Administrasaun Martinho Abani Elu, hamutuk ho Komandante PNTL Mateus Mendes, Komandante F-FDTL, UPF, Reprezentante WHO no Komisaun Rejionál Prevensaun no Mitigasaun Surtu COVID-19 RAEOA Pilar 1 to’o 9, iha Aeroportu Internasional Rota do Sandalo, Bairro Palaban, Aldeia 1 de Maio, Suku Costa, Sub-Regional Pante Makassar.

Jornalista: Domingos Piedade Freitas

Editór: Cancio Ximenes

HAKEREK NO HATÁN

Please enter your comment!
Please enter your name here