Vasina. Ilustrasaun

DILI, 07 abríl 2021 (TATOLI)— Prezidente Parlamentu Nasionál, Deputadu Aniceto Longuinhos Guterres Lopes, konvida ema hotu partisipa no kolabora ho programa Governu nian kona-ba vasinasaun.

Tuir nia, la’ós atu halakon totál surtu COVID-19 maibé sidadaun idak-idak iha komportamentu di’ak ba protokolu COVID-19 nian mak sasukat hodi prevene no kombate COVID-19.

Primeiru Ministru (PM) Taur Matan Ruak partisipa iha lansamentu vasina AstraZeneca ne’ebé hala’o iha Klínika Bairru Formosa, Dili, kuarta (07/04/21). Imajen Tatoli/António Gonçalves.

Tanba durante ne’e governu proteje saúde públiku hodi hola medida serka sanitária no medida sira seluk atu obriga ba populasaun hotu-hotu komporta-aan halo prevensaun ba COVID-19.

“Ha’u nu’udar Prezidente Parlamentu Nasionál konvida ema hotu atu partisipa no kolabora ho programa governu nian kona-ba vasinasaun , timor-oan no Estadu tomak  ita bele kontrola COVID-19 atu  labele alastramentu nafatin,” Aniceto Guterres informa ba jornalista sira, hafoin simu vasinasaun, iha Sentru Saúde Formosa, Dili, kuarta ne’e.

Nia dehan, komportamentu importante liuhosi medida prevensaun sira maibé programa vasinasaun importante maske la’ós ai-moruk atu livre husi COVID-19, maibé  hasa’e imunidade nune’e COVID-19 labele ataka.

Nia dehan, deputadu sira sei tuir vasinasaun, eseptu sira-ne’ebé kondisaun saúde la permite maibé deputadu sira nu’udar membru órgaun soberania tenke tuir.

“Ha’u di’ak hela, komu ha’u uluk sei kiik mós simu ona sangar antí-malária nian bé toman, maibé  la sente buat ida, segar uluk parese ha’u sei kiik, maibé  moras, hanesan lamina ne’e ko’a dala-rua. Maibé ida-ne’e hanesan seringa ita hetan injesaun ai-moruk kaundu moras ne’e, maibé  di’ak loos ita la sente buat ida, ohin menetu 30 sira halo observasaun mai ami, maske  dadeer ha’u la konsege pequeno almosu, maibé la akontese buat ida,” PPN haktuir hafoin vasina.

Tanba ne’e nia fó hanoin ba membru deputadu sira atu tuir hodi enkoraja no fó motivasaun ba povu atu tuir.

“Ami sei konvense malu oinsá mak hotu-hotu tuir, eseptu ba sira-ne’ebé tuir sira-nia saúde la permite, la priense rekizitu atu vasina,” nia katak.

Jornalista: Evaristo Soares Martins

Editór : Cancio Ximenes

HAKEREK NO HATÁN

Please enter your comment!
Please enter your name here