IGE normaliza mota iha área balun iha Dili hafoin inundasaun, domingu (04/04). Imajen/IGE

DILI, 04 abríl 2021 (TATOLI)–Ministériu Obra Públika (MOP) liuhosi Institutu Jestaun Ekipamentu, Insitutu Públiku (IGE,I.P, sigla Portugés) hahú fó apoia emerjénsia hasai sedimentasaun no normaliza iha mota no estrada sira kauza inundasaun no anin boot ne’ebé akontese.

“IGE to’o agora sei konsentra hotu iha mota, fó apoia normaliza mota sira hodi prevene fó risku ba populasaun sira,” Prezidete IGE, Ermenegilda da Costa Laurentina informa ba Agência TATOLI, via telefónika, Domingu ne’e.

IGE halo serbisu konjunta intervensaun iha terrenu normaliza no hasai sedimentasaun iha mota sira iha kapitál Dili no Tibar, hamutuk ho Primeiru-Ministru, Taur Matan Ruak, Ministru Obra Públika, Salvador Eugênio Soares dos Reis Pires, Diretór Ajénsia Dezenvolvimentu Nasionál (ADN), Renato Mariano Monteiro da Cruz, Diretór sira iha MOP no kompañia privadu balun.

Institutu ne’e eforsu no uza maneira hotu ho mákina pezadu sira hodi halo intervesaun iha ponte sira ne’ebé risku ba inundasaun.

“IGE uza mákina pezadu sira hodi hasai sedimentasaun iha ponte Maufelu, Bekusi, Maloa no Comoro kontinua aban (05/04),” nia dehan.

Aleinde ne’e, institutu mós halo intervensaun normaliza mota iha ponte Lakluta, munisípiu Viqueque no sei mantein iha Natarbora, munisípiu Manatuto.

IGE mantein servisu iha Natarbora, Alas (mota Laclo, mota Sahe, mota Suai), ponte Dilor seidauk bele aterru tanba autoridade sira sei konsidera serka sanitária ne’ebé seidauk iha movimentu no halo hela intervensaun iha munisípiu Covalima iha área Beco.

Daudaun ne’e, ekipa institutu kosentra iha Natarbora-Manatuto, Alas-Same, Covalima, Bobonaro, Ermera, Lautém, Baucau, Dili, Ataúro, Metinaro, Hera, Liquiçá no fatin seluk tan.

Jornalista: Florêncio Miranda Ximenes

Editora: Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here