Reuniaun Konsellu Superior Defeza Seguransa (KSDS) ho Prezidente Repúblika, Francisco Guterres Lú Olo, atu renova Estadu Emerjénsia, segunda (29/03/2021). Imajen/Mídia PR.

DILI, 29 marsu 2021 (TATOLI)—Prezidente Repúblika (PR) Francisco, Guterres Lú Olo, husu ba Parlamentu Nasionál (PN) atu renova tan Estadu Emerjénsia (EE) relasiona ho pedidu hosi Governu kona-ba deklarasaun ba Estadu Emerjénsia ba períodu loron 30 tán iha territóriu nasionál tomak.

Notísia Relevante: Prezidente Repúblika dekreta Estadu Emerjénsia ba dasanulu-resin-ida

Asesór Prezidente Repúblika, Gregóriu Sousa, PR husu atu renova EE bazea ba rekomendasaun hosi Konsellu Estadu (KE) no Konsellu Superiór Defeza no Seguransa (KSDS) liuhosi enkontru ne’ebé hala’o ho Prezidente Repúblika, Francisco Guterres Lú Olo, iha Palásiu Preziedensiál Nicolau Lobato, ohin.

“Prezidente Repúblika husu Parlamantu Nasionál atu renova tán Estadu Emerjénsia tanba moras ka númeru kazu COVID-19 sa’e makaas,” Gregório Sousa, hateten ba jornalista sira iha Bairru Píte, Dili.

Asesór Prezidénsia Repúblika ne’e hateten, ohin, Prezidente Repúblika sei haruka mensajén ba Parlamentu Nasionál hodi koordena no kuarta-feira (31/03/2021) sei halo debate hodi deside, tanba kazu COVID-19 hosi loron ba loron aumenta ba beibeik.

Prezidente Repúblika halo Reuniaun ho Konsellu Superiór Defeza no Seguransa no Seguransa iha tuku 09h30 dadeer no reuniaun ho Konsellu Estadu iha tuku 11h00.

Membru Konsellu Superior Defeza Seguransa (KSDS) ne’ebé marka prezensa iha reuniaun ne’e mak atuál Xefe Estadu Francisco Guterres “Lú Olo”, Primeiru-Ministru Taur Matan Ruak, Ministru Defeza Filomeno de Jesus Paixão, Ministra Negósiu Estranjeiru no Kooperasaun Adaljiza Albertina Xavier Reis Magno, Xafe Estadu Maiór Jenerál F-FDTL Majór Jenerál Lere Anan Timur, Komandante Jerál PNTL Faustino da Costa, Cristina Alves da Silva, David Dias Ximenes Mandati, Ministra Saúde Odete Maria Freitas Belo, Ministru Justisa Manuel Cárceres, Diretór Ezekutivu FONGTIL Daniel Santos do Carmo, Abel da Silva.

Entretantu, membru Konsellu Estadu ne’ebé partisipa iha reuniaun ne’e mak atuál Xefe estadu Francisco Guterres “Lú Olo”, Prezidente Parlamentu Nasionál Aniceto Guterres, Membru Konsellu Ministru, Eduardo Barreto, Prezidente Komisaun Nasionál Eleisaun (CNE) Alcino Barris, eis Prezidente José Ramos Horta, Aurora Ximenes, Maria Dadi Soares Magno.

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here