Ministru Administrasaun Estatál, Miguel Pereira de Carvalho. Imajen Tatoli/Egas Cristóvão,

DILI, 25 marsu 2021 (TATOLI)—Ministériu Administrasaun Estatal (MAE) lideradu Miguel Pereira de Carvalho, revee hela proposta-lei finansa munisipál tanba impaktu ba lei enkuadramentu orsamentu no jestaun finanseira nian.

Notísia Relevante: Governu sei aprezenta proposta-lei finansa munisipál ba PN

“Proposta-lei finansa munisipál ne’e aprezenta ona ba Konsellu Ministru, só ke Ministériu Administrasaun Estatal sei revee fali proposta-lei ne’e. Tanba, foin lalais ne’e Governu aprova lei enkuadramentu orsamentu no jestaun finanseira nian, ne’ebé iha impaktu ba proposta-lei ne’e,” Miguel Pereira de Carvalo informa ba jornalista sira, iha Parlamentu Nasionál, kinta ne’e.

Nia hatutan, bainhira ministériu finaliza revizaun sei aprezenta hikas proposta-lei ne’e ba Konsellu Ministru. Bainhira Konsellu Ministru aprova ona sei aprezenta ba reprezenta povu sira iha Parlamentu Nasionál.

Nia esplika, proposta-lei ne’e pakote ho proposta-lei podér lokál no proposta-lei eleisaun munisipál tanba ministériu nia hakarak prospota-lei hirak ne’e tenke aprova, no espera katak proposta-lei hirak ne’e bele aprova iha tinan ida-ne’e nia laran.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here