Amostra teste swab ne’ebé ekipa médiku foti hosi komunidade iha Dili. Imajen Tatoli/António Gonçalves

DILI, 20 marsu 2021 (TATOLI)—Koordenadór Forsa Tarefa ba Prevensaun no Metigasaun Surtu COVID-19 iha Timor-Leste, Rui Maria de Araújo, relata situasaun  evolusaun surtu COVID-19 Munisípiu Dili, sábadu (20/03), iha Munisípiu Dili iha kazu foun 19, ho detalles hanesan tuir mai;

a).  Kazu pozitivu 3, kontaktu-besik ho kazu konfirmadu iha BTN III, Aldeia Terra Santa, Suku Madohi, Postu Administrativu Dom Aleixo.

b). Kazu pozitivu 1, kontaktu-besik ho kazu iha cluster Aldeia Maucocomate, Suco Becora, Postu Administrativu Cristo Rei.

c). Kazu pozitivu 2, kontaktu-besik ho kazu konfirmadu ida iha cluster HNGV, hela iha Aldeia Berbidu, Suku Becora, Postu Administrativu Cristo Rei.

d). Kazu pozitivu 1, hela iha Aldeia Bidau Toko Baru 2, Suku Kulu-hun, Postu Administrativu Cristo Rei. Pozitivu ida ne’e kontaktu-besik ho kazu iha cluster Aldeia Lirio, Suco Motael, Postu Administrativu Vera Cruz.

e). Kazu pozitivu 10, hela iha Aldeia 20 de Setembro, Suku Bebonuk, Postu Administrativu Dom Aleixo. Pozitivu hirak ne’e kontaktu-besik ho kazu iha cluster hanesan.

f). Kazu pozitivu 1, hela iha Aldeia Grilos, Suku Gricenfor, Postu Administrativu Nain Feto. Pozitivu ida ne’e kontaktu-besik ho kazu husi cluster balun iha Comoro.

g). Kazu pozitivu 1, hela iha Aldeia Gideon, Suku Vila-Verde, Postu Administrativu Vera-Cruz. Pozitivu ida ne’e kontaktu-besik ho kazu husi cluster HNGV.

Liuhosi konferénsia imprensa iha Sentru Konvensaun Dili (CCD, sigla portugés), Rui Maria de Araújo, hateten kazu detetadu ka pozitivu iha Munisípiu Dili hosi loron 07 marsu to’o 20 marsu 2021, hamutuk hotu 136.

Ho baze ba informasaun ne’ebé ekipa konjunta saúde nian rekolla, foku/cluster kazu pozitivu iha Dili, hetan revizaun hanesan tuir mai:

 

FOKU/AGRUPAMENTU/CLUSTER TOTAL KAZU IHA 07 MARSU 2021

 

TOTAL KAZU HORISEIK (19/3/2021) TOTAL KAZU OHIN (20/3/2021)

 

1 BTN II-Terra Santa, Suku Madohi 2

 

9 9

 

2 BTN III –Terra Santa, Suku Madohi 0 7 10
3 Aldeia Gólgota, Madohi 0 3 3
4 Aldeia Loron matan, Suku Madohi 0 4 4
5 Aldeia Tasi Mean, Suku Comoro 0 1 1
6 Aldeia 4 Setembru, Suku Comoro 0 2 2
7 Aldeia Fomentu-I, Suku Comoro 0 3 3
8 Aldeia Fomentu-II, Suku Comoro 0 1 1
9 Aldeia Fomentu-II, Suku Comoro 0 2 2
10 Aldeia Aimutin, Suku Comoro 0 1 1
11 Aldeia São Miguel, Suku Comoro 0 1 1
12 Aldeia 03, Suku Fatuhada 0 7 7
13 Aldeia 05, Suku Fatuhada 0 6 6
14 Aldeia 20 de Setembro, Suku Bebonuk 1 4 14
15 Aldeia  Metin 3, Suku Bebonuk 0 1 1
16 Aldeia Teki-Teki, Suku Bairru Pité 0 1 1
17 Aldeia Frekat, Suku Bairru Pité 0 4 4
18 Aldeia 05 de Outubro, Suku Bairru Pité 0 1 1
19 Aldeia Avansa, Suku Bairru Pité 0 3 9
20 Aldeia Mate Restu, Suku Vila Verde 0 2 2
21 Aldeia Gideon, Suku Vila Verde 0 1 1 (foun)
22 Aldeia Hura, Suku Motael 0 1 1
23 Aldeia Lirio, Suku Motael 0 2 2
24 Aldeia Grilos, Suku Gricenfor 0 0 1 (foun)
25 Aldeia Maucoco Mate, Suku Becora 0 7 8
26 Aldeia Auhun, Suku Becora 0 1 1
27 Aldeia Berbidu, Suku Becora 0 0 2 (foun)
28 Aldeia Toko Baru 2, Suku Kulu-Hun 0 0 1 (foun)
29 Hospital Nasional Guido Valadares 0 2 5
30 Kuarentena Carla Masion 0 1 1
31 Ministériu Finansas 0 3 3
32 SEFOPE 0 9 9
33 Ministériu Transporte no Komunikasaun 0 2 2
34  EMONC (Emergency Obstetrics and Neonatal Care) training/HNGV 0 7 12

 

Rui Maria de Araújo esklarese katak hosi kazu detetadu 136 iha Dili, fake ba cluster 34 ne’ebé namkari iha instituisaun haat (4), eventu ida (1) no Suku 10, ho fatin kuarentena ida (1), iha Postu Administrativu Dom Aleixo, Vera Cruz, Nain Feto ho Cristo Rei.

Nia mensiona tan, hosi cluster 34 ne’ebé iha, liu 50% maka la ativu ka sira nia kazu la aumenta iha semana ida ikus, hanesan porezemplu cluster MTC, SEFOPE, Ministériu Finansas ho tan sira seluk.

Atividade prevensaun no metigasaun iha munisípiu sira seluk ho RAEOA

Rui Araújo haklaken liu tan, Munisípiu Baucau ho Munisípiu Viqueque, ohin, la iha kazu foun. Dadus ne’ebé iha, hatudu katak kazu hirak ne’ebé detetadu iha Baucau (na’in-ualu/8) no iha Viqueque (na’in-tolu/3), nu’udar kazu ne’ebé lori sai hosi Dili, entre loron 05 ho loron 09 marsu 2021.

Nia dehan, atividade prevensaun no metigasaun Covid-19 iha munisípiu sira seluk la’o hanesan baibain.

Dadus jerál

1). Kazu foun ohin: 19.

2). Kazu rekuperadu: tolu (3).

3). Kazu ativu: 154.

Rui Maria Araújo esplika kazu foun na’in-19 ne’e, kompostu hosi mane na’in-neen (6) no feto na’in-13.  Ema ho idade tinan 13 iha na’in-ida (1), ema ho idade entre tinan 16-79 iha na’in-18; Ema sintomátiku tolu (3) no   ema asintomátiku 16 no hosi sesta-sábadu (19-20/03), ema hamutuk  628 halo teste PCR.

Rui Araújo afirma haree ba kazu ne’ebé aumenta ida Dili, no kazu ne’ebé deteta iha Munisípiu Baucau ho Viqueque, nu’udar kazu ne’ebé ‘’esporta’’ hosi Dili, autoridade kompetente sira foti ona desizaun atu impoin medida adisionál ho objetivu prevene hada’et-tutan moras ne’e hosi Dili ba munisípiu seluk.

Biban ne’e, Rui Araújo, fó hanoin mós ba públiku katak, Sekretariadu Estadu Maiór Koordenadór SS-CIGC maka sei fó informasaun ba Laboratóriu Nasionál, kona-ba ema sira ne’ebé prienxe rekizitu  tuir Rezolusaun Nº15/2021, no tenke halo análize. Laboratóriu Nasionál sei la atende ema ne’ebé nain-rasik ba husu atu halo análize, hodi halo viajen sai hosi serka sanitária iha Munisípiu Dili.

Lori SS-CIGC nia naran, Rui Maria de Araújo, apela ba populasaun ne’ebé sai hosi Dili entre loron 05 to’o loron 09 marsu madrugada, ba munisípiu sira seluk, molok serka sanitaria, hahú iha Dili, atu favor ida aprezenta-an ba autoridade saúde sira ne’ebé besik-liu ida-idak nia hela fatin hodi bele hetan atendimentu.

“Apela ba populasaun Timor-Leste tomak, liu-liu iha Munisípiu Dili, Baucau ho Viqueque atu nafatin hakmatek, lalika sé tilun ba lia-anin ka rumoris, pratika nafatin medida sira ne’ebé ita hotu hatene ona; uza máskara, fase-liman beibeik ho sabaun ka dezinfetante ruma, evita kose liman ba matan, inus ho ibun, bainhira kumprimenta malu, la presiza ka’er liman, bensa-liman, rei-malu ka hako’ak malu, evita halibur malu barak, hamriik ka tur do’ok hosi ema seluk, mínimu metru ida ho balun,” Rui Araújo afirma tan.

Jornalista       : Osória Marques

Editór             : Francisco Simões

HAKEREK NO HATÁN

Please enter your comment!
Please enter your name here