Prezidente Repúblika, Francisco Guterres Lú Olo, ohin, simu karta kredensiál hosi Embaixadór Estadu Unidu América (EUA), Charles Kevin BlackStone, iha Palásiu Prezidénsia Nicolau Lobato, Dili. Imajen/Media PR.

DILI, 19 marsu 2021 (TATOLI)–Prezidente Repúblika, Francisco Guterres Lú Olo, ohin, simu karta kredensiál hosi nasaun rua mak Embaixadór Brasil, Mauricio Medeiros de Assis, no Embaixadór Estadu Unidu América (EUA), Charles Kevin BlackStone, iha Palásiu Prezidénsia Nicolau Lobato, Dili.

“Sira rua mai kleur ona iha ne’e maibé situasaun, entaun ohin mak Prezidente Repúblika Lú Olo konsege simu sira-nia kredensiál ne’e,” Ministra Negósiu Estranjeiru no Kooperasaun (MNEK), Adalsiza Magno, hateten ba jornalista sira bainhira partisipa entrega karta kredensiál ba PR Lú Olo, sesta ne’e.

Ministra ne’e hatutan, ohin sira mai entrega karta kredensiál ba PR Lú Olo no hato’o hela kumprimentu hosi sira-nia Prezidente rasik inklui sira mai atu asegura kooperasaun ne’ebé iha ona ho rai rua ne’e, no hamutuk kontinua kombate COVID-19 iha Timor-Leste.

Nia dehan, Brasil nian sira halai liu ba Judisiál nian no EUA ajuda iha área barak maibé sira rua mós halo kooperasaun di’ak ho parte militár nian hanesan Falintil Forsa Defeza Timor-Leste (F-FDTL).

Kona-ba ajudu, nia dehan, iha tinan kotuk EUA apoiu finanseiru no ekipamentu médiku nian ba ospitál, maibé ba tinan ne’e seidauk iha.

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here