Movimentu Tasi Moos halo dizinfeta areadór SAMES, iha Kampu-Alor, tersa (16/03). Imajen TATOLI/António Gonçalves

DILI, 16 marsu 2021 (TATOLI)-Movimentu Tasi Moos (MTK) “Mama Bolu” hamutuk ho Polísia Nasionál Timor-Leste (PNTL) kontinua dezinfekta fatin públiku ne’ebé risku ba propagasaun COVID-19.

Portavós MTM, Octávio Cardoso, hateten, movimentu ne’e hanesan organizasaun voluntáriu ne’ebé koopera hamutuk ho autoridade seguransa munisípiu Dili hodi halo asaun prevensaun COVID-19 liuhosi dizinfeta fatin públiku, nune’ehusu apoiu ba komunidade atu atividade ne’e bele la’o ho susesu.

Movimentu Tasi Moos halo dizinfeta areadór SAMES, iha Kampu-Alor, tersa (16/03). Imajen TATOLI/António Gonçalves

“Ami husu komunidade no parte relevante nia apoiu, atu nune’e ita hamutuk hatutan malu ho espíritu voluntarizmu, hodi suporta esforsu Governu dizinfekta área risku sira,” Portavós  dehan hafoin hala’o atividade dizinfekta iha areadór  Servisu Autónomu Medikamentu no Ekipamentu Saúde (SAMES) iha Kampu-Alor, Dili, tersa ne’e.

Movimentu Tasi Moos halo dizinfeta areadór SAMES, iha Kampu-Alor, tersa (16/03). Imajen TATOLI/António Gonçalves

Grupu voluntárizmu ne’e, hahú halo asaun dizinfekta iha fatin públiku no área risku sira iha marsu 2020, iha períodu Estadu Emerjénsia dahuluk no hapara atividade iha inísiu maiu 2020, hafoin hahú fali iha fulan ne’e iha períodu serka sanitária.

Tuir Portavós, ekipa konsege dizinfeta ona fatin públiku hanesan área BTN-II, Beto, no diariamente iha Hospital Nasional Guido Valadares, Aeroportu Comoro inklui fatin públiku sira no bairru ne’ebé deteta abitante pozitivu COVID-19.

Movimentu Tasi Moos halo dizinfeta areadór SAMES, iha Kampu-Alor, tersa (16/03). Imajen TATOLI/António Gonçalves

“Ami kontinua hein pedidu hosi komunidade sira atu halo dizinfekta ba sira-nia bairru, bainhira sira presiza ami prontu apoiu hanesan liña koodernasaun ho SAMES hodi realiza,” nia akresenta.

Biban hanesan, Diretóra Armazenamentu no Distribuisaun-SAMES, Saturlina Ximenes, agradese ba ekipa MTM tanba bele apoia ona.

“Ami agradese kolega sira hosi  Movimentu Tasi Moos mai dizinfekta ami-nia fatin tanba asaun ne’e atu prevene surtu ne’ebé iha ita nia-rai laran ho númeru pozitivu kontinua aumenta ba bebeik,” Diretora ne’e agradese.

Movimentu Tasi Moos halo dizinfeta areadór SAMES, iha Kampu-Alor, tersa (16/03). Imajen TATOLI/António Gonçalves

Dirijente ne’e konsidera, ho prezensa movimentu ne’e bele ajuda ona tanba kada loron SAMES hasoru malu ho visitór sira ne’ebé mai hosi fatin izolamentu, kuaretena, fasilidade saúde sira, ospitál no sentru saúde.

“Ita haree ho asaun kolega sira ne’e bele evita propagasaun COVID-19,” nia hatutan.

Jornalista: Florêncio Miranda Ximenes

Editora: Julia Chatarina

HAKEREK NO HATÁN

Please enter your comment!
Please enter your name here