Formuláriu ba estudante sira atu asesu apoia umanitária. Imajen/Espesiál

DILI, 15 marsu 2021 (TATOLI)—Ministru Ensinu Superiór, Siénsia no Kultura (MESSK) prepara no fahe ona formuláriu ba universidade sira, hodi estudante ne’ebé hela iha kost iha kapitál Dili bele prenxe atubele simu apoia umanitária hosi Ministériu Solidaridade Sosiál no Inkluzasaun (MSSI).

“Ita kria no fahe ona formuláriu ba ensinu superiór privadu no públiku sira atu estudante sira iha kost bele prienxe hodi submete ba MSSI atu fó apoia umanitária,” Ministru Ensinu Superiór, Siénsia no Kultura, Longuinhos dos Santos, informa iha edífisiu Ministériu Finansa, Aitarak-laran, segunda ne’e.

Durante semana rua nia laran MESSK fahe formuláriu ba universidade hotu, hafoin bele rekolla hikas hodi submete ba MSSI.

“Ita seidauk hatene totál estudante sira tanba foin fahe formuláriu ba kada universidade sira, bainhira ita termina mak foin hatene totál estudante sira,” nia akresenta.

Alende ne’e, MESSK mós planu hela atu apoia maskára, sabaun no termu scanner ba kada universidade sira iha ámbitu luta kontra surtu COVID-19.

Jornalista: Florêncio Miranda Ximenes

Editora: Julia Chatarina

HAKEREK NO HATÁN

Please enter your comment!
Please enter your name here