TDD. Imajen Tatoli /Dok

DILI, 11 marsu 2021 (TATOLI)- Kumpre ba desizaun serka sanitaria iha kapitál Dili, Tribunál Distritál Dili (TDD) sei atende de’it julgamentu ba kazu ho karater urjente.

Juis Administradór TDD, Afonso Carmona, hateten Tribunál halo de’it atendimentu ba kazu  sira urjente mak hanesan primeiru interrogatóriu, sumáriu, prosesu kautela no atende  arguidu sira ne’ebé hetan detensaun nia tempu to’o ona atu sai hosi prizaun, maibé suspende julgamentu normál  ba kazu kontinuasaun ne’ebé Tribunál hasai ona notifikasaun, maibé tama ho serka sanitária labele realiza.

Ba Agência Tatoli, kinta ne’e, via telefone Juis Administradór TDD, Afonso Carmona, hateten mezmu ho situasaun ne’e TDD sei jere oráriu  hodi aselera julgamentu ba kazu  sira ne’e bainhira iha evolusaun númeru pozitivu COVID-19 iha redusaun.

TDD fahe turnu ba juiz kada loron  na’in-ida akompaña ho ofisiál justisa, nune’e iha julgamentu urjente ruma iha hodi  bele atende.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here