Segundu Komandante Polisia Munisípiu Dili, Superintendente Asistente, Euclides Belo. Imajen Tatoli/Antonio Goncalves

DILI, 08 marsu 2021 (TATOLI)-Polísia Nasional Timor-Leste (PNTL) Munisípiu Dili hein hela desizaun Governu nian liuhosi Sala Situasaun Sentru Integradu Jestaun Krize (SS-CIGC) atu halo serka sanitaria ba área Tasi-Tolu, Dili.

Segundu Komandante PNTL Munisípiu Dili, Superintendente Asistente Euclides Belo, informa polísia kontinua fó seguransa iha area BTN-II, Tasi-Tolu, Dili, hodi asegura desizaun serka sanitária provizoriamente iha área BTN-II, Tasi-Tolu tanba deteta tan pasiente  COVID-19 na’in-rua, domingu kalan  (07/03).

Ba Jornalista sira iha Komandu PNTL Dili,  segunda ne’e, Euclides Belo husu ba abitante hotu atu kumpre no koopera ho parte saúde tanba peste letál COVID-19 nu’udar moras invizivel no oho ona ema ua’in iha mundu.

Polísia  sei apoiu seguransa médiku sira  bainhira tun iha terrenu hodi bele hala’o sira nia funsaun labele hetan presaun ka intervensaun ruma hosi komunidade.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here