Embaixadór Xina iha TL, Xiao Jiaguo oferese máskara rihun-40 ba Governu Timor-Leste (TL), ne’ebé simu direta hosi Vise-Ministru Administrasaun Estatál, Lino de Jesus Torezão iha embaixada Xina, kinta ne’e. Imajen Tatoli/Felicidade Ximenes.

DILI, 04 marsu 2021 (TATOLI)—Governu Xineza liuhosi ninia embaixadór Xiao Jiaguo oferese máskara rihun-40 ba Governu Timor-Leste (TL), ne’ebé simu direta hosi Vise-Ministru Administrasaun Estatál, Lino de Jesus Torezão iha embaixada Xina, kinta ne’e.

“Ami apoia máskara ba Munisípiu Covalima tanba pedidu hosi Ministériu Admminsitrasaun Estatál. Ha’u agradese tebes tanba ami dezempeña papél ida ne’e, no ami hakarak hapara propagasaun surtu COVID-19 iha liña fronteira,’’ Xiao Jiaguo hateten iha serimónia entrega.

Notísia Relevante:Xina kontinua apoia TL kombate Covid-19

Iha fatin hanesan Vise-Minsitru Administrasaun Estatál, Lino de Jesus Torezão, hateten máskara hirak ne’e sei oferese ba komunidade iha Munisípiu Covalima ne’ebé oras ne’e lockdown totál.

Governante ne’e agradese ba Governu Xineza ne’ebé kontinua fó apoiu ba nasaun belun Timor-Leste iha situasaun COVID-19.

Tuir planu, iha tempu badak Governu sei transporta sasan hirak-ne’e hodi distribui ba komunidade iha Covalima.

“Máskara hirak ne’e rasik ita sei halo transportasaun ba Munisípiu Covalima ho kondutór no ajudante de’it. Ami husu apoiu mós ba estudante Suaioan-sira iha Dili atu ba halo distribuisaun,’’ nia hateten.

Jornalista: Felicidade Ximenes

Editór: Cipriano Colo 

HAKEREK NO HATÁN

Please enter your comment!
Please enter your name here