Membru Unidade Patrullamentu Fronteira no FALINTIL-FDTL halo seguransa másimu hodi blokeia movimentu abitante iha Aldeia Klauhalek, Suku Belulik Leten, Postu Administrativu Fatumean, Munisípiu Covalima. Imajen Tatoli/Eugénio Pereira.

DILI, 03 marsu 2021 (TATOLI)—Pontu Vokál Forum Organizasaun Naun Governamentál Timor-Leste (FONGTIL) iha Munisípiu Covalima, Bendito Amaral Barros, hateten iha Postu Administrativu Fatumean no Maucatar stoke foos komesa hotu (mamuk) no folin sa’e ba $17. 50 tanba impaktu lockdown.

“Rendementu komesa tun tan impaktu lockdown, sasan folin iha merkadu Suai foos 25 kg antes lockdawn $13 no depois de lockdown $14- $15. Maibé, agora stoke foos komesa hotu no folin sa’e ba $17.50,” Bendito Amaral Barros hateten via skype, iha salaun FONGTIL, Caicoli, Dili, kuarta ne’e.

Nia dehan, iha Postu Administrativu Fatumean Suku haat (4) hanesan Suku Nanu, Suku Belulik Leten ho Alas Tehen, Aldeia 12, no aldeia tolu (3) mak agora daudaun atu hetan apoiu emejénsia liga ho lockdown agora, hanesan Aldeia Belulik Leten, Aldeia Klau Halek no Aldeia Mane Kiik.

Aleinde ida-ne’e, nia hatete, iha Postu Maucatar, Suku Holpilat iha aldeia haat (4) mak hanesan Aldeia Hatu, Aldeia Lela, Aldeia Nainare no Manulor, sira-nia produtu lokál hanesan batar, fore no seluk tan hetan estragu hosi anin-boot no udan-boot.

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here