Logotipu JICA

DILI, 26 fevereiru 2021 (TATOLI)- Ajénsia Internasionál Kooperasaun Japaun (JICA), sesta ne’e, entrega ekipamentu prevensaun COVID-19 ba Sekretária Estadu Protesaun Sivíl (SEPS).

Xefe Reprezentativu JICA iha Timor-Leste, Goto Ko,  entrega matéria prevensaun COVID-19  ba Diretór Jerál SEPS, Superintendente Xefe, Ismael Babo iha edifísiu Ministériu Interiór, Vila Verde, Dili.

Apoiu hirak hosi JICA ne’e mak  hanesan balde 13 (enxe bee litru 100), hand  sanitizer, scanner  thermometer 13, máskara kaixa (3).

Goto Ko, hateten apoiu hirak ne’e oinsá atu fasilita mediadór sira iha SEPS liuhosi Diresaun Prevensaun Konflitu Komunitáriu hodi bele fasilita sira-nia atividade prevensaun bainhira hala’o kna’ar iha baze.

Nia informa, doasaun JICA nian  ba material sira-ne’e korresponde ba   kontribui ba Timor-Leste ninia luta kontra propagasaun peste letál COVID-19.

Diretór Jerál SEPS, Ismael Babo, agradese ba JICA  ne’ebé fó apoiu ba SEPS  no ekipamentu hirak-ne’e sei  distribui ba  kooperadór mediadór iha munisípiu 13 hodi  fasilita sira halo protesaun pesoál bainhira hala’o mediasaun ba konflitu ho komunidade.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here