Ilustrasaun.

DILI, 25 fevereiru 2021 (TATOLI)–Reprezentante Organizasaun Munidiál (WHO), Doutora Senha Viegas, hateten vasinasaun AstraZeneca sei hahú iha loron 7 fulan abril tinan 2021.

“Kona-ba vasinasaun AstraZeneca ita sei halo iha loron 7 abril tinan ne’e, tentativa atu komemora loron mundiál saúde,” Reprezentante Organizsaun Munidiál (WHO), Doutora Senha Viegas, hateten liuhosi nia diskursu iha Forum Dialogu entre Governu, organizasaun saúde mundiál (WHO), no Organizasaun sosiedade sivíl, iha salun FONGTIL, Caicoli, Dili, kinta ne’e.

Nia hatutan, to’o loron 7 fulan-abril agora ema ne’ebé sei simu uluk vasina AstraZeneca mak Primeiru-Ministru Taur Matan Ruak no tuir mak OMS nia boot iha Timor-Leste.

“Atu hateten katak ita-nia involvimentu hosi ita-nia Na’i-ulun sira ne’e importante atu fó fiar ba ita povu ne’e,” nia dehan.

Tanba ne’e, nia dehan, kona-ba vasina AstraZeneca ne’e seguru ba ema ida-nia vida tanba vasina ne’e nia objetivu atu aumenta ema-nia imunidade atu kontra COVID-19.

“Vasinasaun Astrazeneca ne’ebé seguru no efetivu kontra COVID-19, tanba ne’e mak agora ne’e vasina sai hanesan asaun ida ne’ebé mak efetivu liu no proteje ita-nia populasaun hosi infesaun COVID-19 no bele diminui transmisaun no mós diminui númeru mate iha global,” nia hateten.

Reprezenta OMS ne’e husu ba públiku labele intende sala kona-ba, vasainasaun AstraZeneca ne’e fó impaktu ba ema-nia saúde ka vida maibé bainhira simu vasina AstraZeneca ne’e objetivu atu haforsa  ema-nia imunidade atu kontra COVID-19.

Jornalista: Arminda Fonseca

Editór: Cancio Ximenes

HAKEREK NO HATÁN

Please enter your comment!
Please enter your name here