Secretário de Estado para a Comunicação Sosiál (SECOMS), Merício Juvinál dos Reis Akara hateten, simu termu servisu hosi Diretór sesante Dirasaun Nasionál Promosaun Dezenvolvimentu Mídia Lokál (DNPDML), Abel da Conceição. Imajen/Espesiál.

DILI, 24 fevereiru 2021 (TATOLI)—Secretário de Estado para a Comunicação Sosiál (SECOMS), Merício Juvinál dos Reis Akara hateten, ohin, Diretór sesante Dirasaun Nasionál Promosaun Dezenvolvimentu Mídia Lokál (DNPDML), Abel da Conceção, entrega termu serbisu ba SECOMS tanba diretór refere simu ona pose nu’udar Administradór Munisípiu Aileu. 

Nia hatutan, objetivu Diretór sesante DNPDML entrega temu servisu ba SECOMS tanba daudaun ne’e nia hetan ona fiar hosi Governu Sentrál hodi asume kargu sai hanesan Administradór iha Munisípiu Aileu.

“Ohin ne’e, ha’u simu Administrdór foun munisípiu Aileu mai tanba uluk nia mak Diretór Nasionál Rádiu Komunidade iha SECOMS. Horseik (tersa, 23 fevereiru) hetan ona tomada pose entaun ohin Administradór hanesan Diretór Sesante hakarak entrega nia-knaar sira-ne’ebé durante nia halo iha tinan rua nia laran, entrega ba SECOMS nune’e ba oin kolega seluk bele kontinua fali knaar ne’e,” Merício Juvinál dos Reis hato’o lia hirak ne’e jornalista sira hafoin simu termu servisu hosi Diretór sesante DNPDML, Palásiu Governu, kuarta ne’e.

Tanba ne’e, Merício Juvinal Akara hakarak fó agradese no apresiaasaun ba Administradór Aileu ne’ebé mak hanesan Eis Diretór Nasionál Sentru Rádiu Komunidade iha SECOMS, tanba durante ne’e halo servsiu ne’ebé ho di’ak.

“Rezultadu balu ita bele hetan ona hanesan Sentru Rádiu Komunidade 16 maiória sai ona iha rádiu streaming ne’ebé mak uluk sira analog agora transforma sai distalija tiha ona no sira iha ona website rasik. No, nia konsege dezenvolve Dirasaun Nasionál Sentru Rádiu Komunidade ne’e muda ona ba Diresaun Nasionál Promosaun no Dezenvolvimentu Mídia Lokál (DNPDML). Ida-ne’e mak rezultadu hosi nia esforsu durante tinan rua,” nia hatutan.

Nia dehan, knaar ne’ebé ohin Diretór DNPDML sesante entrega ona ba SECOMS, hahú ohin ba ohin sei haree diretór foun atu lidera fali Dirasaun Nasionál Promosaun Dezenvolvimentu Mídia Lokál nian.

“Nomeasaun ba Diretór foun, ha’u halo tiha ona no entrega ba ministru no transmite ona ba Comição Função Públicu (CFP), entaun ami hein hela karta ofisiál hosi CFP ba Diretór foun mak atu halo fali knaar,” nia subliña.

Agora, nia dehan, labele fó sai naran ba ema ne’ebé atu troka diretór sesante tanba bainhira CFP seidauk haruka karta ofisiál, ema ne’ebé atu troka ba diretór sesante ne’e hili ema ne’ebé iha esperiénsia iha parte mídia nian.

Entretantu, Sektretário de Estado para a Comunicação Sosiál, Merício Juvinal dos Reis, lori VIII Governu nia naran hato’o parabens ba Diretór sesante ne’ebé daudaun ne’e sai ona Adminisradór Munisípiu Aileu.

“Ha’u lori VIII Governu nia naran hato’o parabens ba Administradór foun Munisípiu Aileu nian. No hakarak hato’o agradese, apresiasaun mós ba Administradór Aileu, tanba antes hetan kargu foun nu’udár Administradór ne’e, kontribui barak loos ba servsu SECOMS nian,” nia dehan.

Entretantu, Diretór sesante Diresaun Nasionál Promosaun no Dezenvolvimentu Mídia Munisipál (DNPDML), Abel da Conseição, agradese ba Governu liuhosi SECOMS tanba fó fiar ba nia sai Diretór DNPDML durante tinan rua.

“Ha’u sai diretór iha SECOMS tinan rua la natoon atu halo buat barak. Entaun, saida mak konsege prodús espera katak diretór foun ne’ebé mak SECOMS sei nomeia ne’e bele hatutan liután knaar ne’ebé mak ha’u entrega ona,” nia hatutan.

Jornalista: Arminda Fonseca

Editór: Cancio Ximenes

HAKEREK NO HATÁN

Please enter your comment!
Please enter your name here