Plenária Parlamento Nasionál. Imajen TATOLI/Egas Cristovão.

DILI, 18 fevereiru 2021 (TATOLI)–Reprezentante Povu iha Uma Fukun Parlamentu Nasionál (PN) husu Ministériu Edukasaun, Juventude no Desportu (MEJD) atu hasai ona desizaun ba atividade eskolár iha Munisípiu Bobonaro no Covalima tanba Governu deside ona lockdown ba munisípiu rua ne’e.

“To’o ohin loron ne’e, MEJD seidauk hasai desizaun ruma. Loloos medida sira sai kedas iha tempu ne’ebé Governu deside lockdown. Se ministériu to’o ohin loron la hasai medida hodi hapara lai atividade eskola, signifika ita hakarak ita-nia oan sira bele hetan moras ne’e tanba sira-nia konsentrasaun ne’e ema lubun boot,” Prezidente Komisaun B (Negósiu Estranjeiru, Defeza no Seguransa), Deputadu José Agostinho Siqueira ‘Somotxo’ ko’alia iha Parlamentu Nasionál, kinta ne’e.

Tuir nia, hapara atividade eskolár ne’e hodi salva ema barak tanba prosesu aprendijazen sei kontinua nafatin.

Nia fiar katak Ministériu Edukasaun, Juventude no Desportu sei foti medida ba prosesu aprendijazen iha área fronteira.

Antes ne’e, Ministru Edukasaun, Juventude no Desportu Armindo Maia, informa liuhosi plenária Parlamentu Nasionál, sei foti medida konjunta ida ho Ministériu Saúde (MS) kona-ba destinu ensinu prosesu aprendijazen iha munisípiu rua ne’e.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here