Primeiru-Ministru, Taur Matan Ruak, konvoka enkontru ho Prezidente Konsellu Administrasaun EDTL,E.P, Paulo da Silva, iha Palásiu Governu, tersa (18/02). Imajen TATOLI/Egas Cristovão

DILI, 18 fevereiru 2021 (TATOLI)Eletricidade de Timor-Leste, Empreza Públika (EDTL,E.P) finaliza ona dezeñu no planu hodi dada eletrisidade ba área hamutuk 31, inklui suku balun ne’ebé mak seidauk asesu eletrisidade.

Tanba ne’e maka, Prezidente Konsellu Administrasaun EDTL, Paulo da Silva, hasoru malu ho Primeiru-Ministru (PM), Taur Matan Ruak, hodi relata serbisu empreza estatál ne’e, hodi simu orientasaun liga ho setór eletrisidade.

“Iha tinan ne’e, EDTL planeia ona pelu menus kobre lokál hamutuk 31, inklui suku sira iha área rurál ne’ebé seidauk asesu enerjia eletrisidade. Planu, orsamentu no dezeñu kompletu ona no posibilidade sei aumenta tan suku balun, ne’ebé orsamentu ba projetu ne’e hamutuk millaun $11-resin, restante pleneia ba tinan oin,” Prezidente EDTL relata hafoin reuniaun ho PM Taur iha Palásiu Governu, kinta ne’e.

Kona-ba alokasaun orsamentu sei haree filafali tanba osan ne’ebé aloka ne’e uluk iha tempu bainhira eziste diresaun jerál, maibé daudaun EDTL hanesan empreza públika ne’ebé iha padraun rasik ho responsabilidade ida atu halo rekalkulasaun ba orsamentu sira hotu, nune’e bele poupa rekursu Estadu.

Daudaun ne’e, iha suku 66 mak seidauk asesu enerjia eletrisidade, tanba ne’e EDTL no Ministériu Obra Públika sei esforsu fazeadamente.

Jornalista: Antónia Gusmão

Editora: Julia Chatarina

PUBLISIDADEiklan

2 KOMENTÁRIU

  1. Husu nai Primeiro ministério no presidente EDTL keta haluhan mos ami Aldeia Oebaba Trans, suku Raimea, posto Zumalai, Munisipiu Kovalima.
    População 200 tal mak ladauk asesu ba eletrisidade, uluk iha kompanha balun ba harii ona besi rin iha ne’eba, maibe parado hela ate agora.

HAKEREK NO HATÁN

Please enter your comment!
Please enter your name here