Kursu projetu PMFO iha Sentru Kulturál, Emabaixada Portugál. Imajen/PMFO

DILI, 16 fevereiru 2021 (TATOLI)—Projetu PFMO “Osan Povu nian, Jere ho Di’ak” realiza formasaun jestaun finanseiru, indikadór ekonómiku, finanseiru no orsamentál ba auditór no inspetór sira hosi Inspesaun Jerál Estadu (IGE, sigla portugés).

Tuir oráriu, kursu ne’e  hahú iha loron 15 to’o 26 fevereiru, projetu PFMO-C2 Osan Povu nian, Jere ho Di’ak”,  iha Sentru Kulturál Portugés, iha Embaixada Portugál.

“Formasaun ne’e destina ba Auditór no Inspetór sira iha Inspesaun Jerál Estadu, ho objetivu haklean koñesimentu, dezempeñu no produtividade iha intrepretasaun terminolojia no konseitu tékniku sira relasiona ho indikadór ekonómiku finanseiru no orsamentál,” refere nota ne’ebé Agência TATOLI asesu, tersa ne’e.

Formasaun ne’e ho objetivu atu halo identifikasaun ba forma kálkulu no intrepretasaun indikadór relevante sira atu halo analiza ba finansa públika no impaktu indikadór iha finansa públika sira iha Timor-Leste.

Aliende ne’e, atu konsolida, intrepreta no redasaun konseitu sira relasiona ho analiza finansa públika sira  bazeia ba regra lian portugés.

Nune’e mós, halo konsolidasaun no utilizasaun konseitu sira relasiona ho análize finansa públika sira liuhosi funsaun Microsoft Excel.

Kursu jestaun finanseiru, indikadór ekonómiku, finanseiru no orsamentál integra ba komponente prátiku tolu  ne’ebé mak kompleta malu, hosi intrepretasaun terminolojia tékniku, konsolidasaun no adaptasaun konseitu tékniku sira iha regra lian portugés inklui kálkulu ba indikadór funsaun finanseiru variadu, matemátika, estatístika no funsionalidade hosi Excel ezistente.

Jornalista: Florêncio Miranda Ximenes 

Editora: Julia Chatarina

HAKEREK NO HATÁN

Please enter your comment!
Please enter your name here