Estudante eskola filiál Komandante Maubuti foto hamutuk ho Komandante kompañia Delta, Komponente Terrestre, FALINTIL-Forsa Defeza Timor Leste (F-FDTL) Baucau, Tenente Baldino Julião António Martins. Imajen/Espesiál

DILI, 15 fevereiru 2021 (TATOLI)—Ministériu Administrasaun Estatál (MAE) prevee millaun $15 hosi Orsamentu Jerál Estadu (OJE) 2021 ba Merenda Eskolár iha territóriu tomak.

“Ita tau ona orsamentu Merenda Eskolár ba kada munisípiu hodi hahú halo ezekusaun no ita transfere ona ba konta bankária eskola ida-idak,” Ministru MAE, Miguel Pereira de Carvalho hateten ba jornalista Agência Tatoli iha Palásiu Governu, segunda (15/02).

Notísia Relevante:Estudante 320.539 sei asesu hikas Merenda Eskolár

Governante ne’e esplika katak MAE halo ona kalkulasaun ba orsamentu ne’e iha ne’ebé kada estudante sei hetan 0,25 sentavus.

Tanba ne’e Ministériu Edukasaun Joventude no Desportu (MEJD) mak sei halo monitorizasaun durante implementasaun iha munisípiu ida-idak.

Antes ne’e MEJD liuhosi Diresaun Nasionál Asaun Sosiál Eskolár (DNASE) identifika ona estudante hamutuk 320.539 iha territóriu tomak ne’ebé sei asesu hikas ba Programa Merenda Eskolár, tanba durante situasaun COVID-19 paradu.

Totál estudante 320.539 ne’ebé iha, kompostu hosi Edukasaun Pré-eskolár Públiku Katólika 25.356 hosi eskola 430 no Ensinu Báziku 295.183 hosi eskola 1.268 iha munisípiu 12 inklui Rejiaun Administrativa Espesiál Oe-cusse Ambeno (RAOEA).

Jornalista: Tomé Amado

Editór: Cipriano Colo

HAKEREK NO HATÁN

Please enter your comment!
Please enter your name here