Sekretáriu Jerál Partidu CNRT, Francisco Kalbuadi Lay. Imajen/Espesiál

DILI, 11 fevereiru 2021 (TATOLI) – Juis Administradór Tribunal Distritál Dili (TDD), Afonso Carmona, klarifika katak Francisco Kalbuadi Lay sei inosente iha prosesu judisiál.

Juiz Administradór TDD, Afonso Carmona. Imajen Tatoli/Dok.

“Prosesu judisiál saida de’it iha nia andamentu. Ita seidauk bele dehan ema loos ka sala, bainhira Tribunal seidauk pronúnsia buat ida, tanba ne’e konsidera ema hotu sei inosente,” Afonso Carmona, hateten ba Agência TATOLI iha nia servisu fatin, Dili, kinta ne’e.

Durante ne’e informasaun ne’ebé sirkula iha públiku katak Francisco Kalbuadi Lay atuál Sekretáriu Jerál partidu CNRT, “sees” ona ba rai-li’ur hodi dezvia hosi justisa tanba dehan deskonfia komete abuzu podér balun. Maibé, tuir Afonso Carmona, prosesu sira hotu seidauk bele deklara Francisco Kalbuadi Lay, komete duni ka lae, nia sala ka lae no komete kazu saida, tanba sei konsidera inosente no iha hela segredu justisa nia laran.

Jornalista    : Nelson de Sousa

Editór          : Francisco Simões

HAKEREK NO HATÁN

Please enter your comment!
Please enter your name here