Diretór Nasionál Empregu Esteriór SEFOPE, Filomeno Soares. Imajen TATOLI/Joanico de Araújo

DILI, 11 fevereiru 2021 (TATOLI)Diretór Nasionál Empregu Esteriór, husi Sekretaria Estadu Formasaun Profisionál no Empregu (SEFOPE), Filomeno Soares, informa traballadór timor-oan ne’ebé serbisu iha Korea Súl hahú husi tinan 2009 to’o 2020 hamutuk 3.696.

“Traballadór timor-oan sira serbisu iha área peska, fábrika, no agrikultura,” Diretór ne’e dehan ba Agência TATOLI iha ninia knaar fatin, Senae Becora, kinta ne’e.

Totál traballadór mane ne’ebé serbisu iha área peska hamutuk 2.193, kompostu husi tinan 2009 na’in-64, tinan 2010 na’in-185, tinan 2011 na’in-62, tinan 2012 na’in-280, tinan 2013 na’in-186, tinan 2014 na’in-128, tinan 2015 na’in-264, tinan 2016 na’in-346, tinan 2017 na’in-143, tinan 2018 na’in-138, tinan 2019 na’in-386 no iha 2020 na’in-11, enkuantu feto ne’ebé maka serbisu iha área peska hahú 2009 to’o 2020 laiha.

Traballadór mane ne’ebé serbisu iha área fábrika hamutuk 1.317, kompostu husi tinan 2009, hamutuk 30, tinan 2010 na’in-79, tinan 2011 na’in-105, tinan 2012 na’in-164, tinan 2013 na’in-89, tinan 2014 na’in-111, tinan 2015 na’in-147, tinan 2016 na’in-148, tinan 2017 na’in-128, tinan 2018 na’in-177, tinan 2019 na’in-125 no tinan 2020 na’in-14.

Enkuantu, traballadór feto ne’ebé maka serbisu iha área fábrika hamutuk 62, kompostu husi tinan 2009 laiha, tinan 2010 na’in-haat, tinan 2011 na’in-ualu, tinan 2012 na’in-sia, tinan 2013 na’in-tolu, tinan 2014 na’in-hitu, tinan 2015 na’in-nee, tinan 2016 na’in-10, tinan 2017 iha na’in-13, tinan 2018 na’in-haat, tinan 2019 na’in-haat no tinan 2020 laiha.

Traballadór mane sira ne’ebé maka serbisu iha área agrikultura hamutuk 51, kompostu husi hahú tinan 2009 laiha, tinan 2010 na’in-27, tinan 2011 na’in-lima, tinan 2012 na’in-ida, tinan 2013 to’o 2017 laiha, tinan  2018 na’in-ida, tinan 2019 to’o 2020 laiha.

Traballadór feto sira ne’ebé serbisu iha área agrikultura hamutuk 73, kompostu husi tinan 2009 laiha, tinan 2010 na’in-45, tinan 2011 na’in-11, tinan 2012 na’in-16, tinan 2013 na’in-ida, tinan 2014 to’o 2017 laiha, tinan 2018 na’in-ida, tinan 2019 to’o 2020 laiha.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here