Prokuradór Jerál Repúblika, José Ximenes. Imajen Tatoli /Egas Cristovão

DILI, 09 fevereiru 2021 (TATOLI)-Prokuradoria Jerál Repúblika (PGR) liuhosi Gabinete Servisu Kontensiozu Estadu  Administrativu Fiskál no Konta halo hela analiza ba relatóriu Tirbunál Kámara Konta kona-ba  konta Jerál Estadu  (KJE) 2019 ne’ebé hatudu iha infrasaun finanseira.

“Gabinete ida ne’e diretamente tutela ba Prokuradór Jerál Repúblika, ami analiza  hela hodi haree ho kuidadu iha infrasaun finanseira de’it ka iha infrasaun kriminál,’’ Prokuradór Jerál Repúblika, José Ximenes, hateten hodi  responde ba Agência TATOLI, tersa ne’e, iha Palásiu Prezidensiál, Dili.

Notísia Relevante : Câmara de Contas husu Governu ezekuta loloos fundu kontijénsia

Tuir relatóriu auditoria Tribunál Kamara Konta kona-ba  konta Jerál Estadu  (KJE) 2019 hatudu Governu sei nafatin viola ezekusaun orsamentu ba programa sira la prevee  iha orsamentu, maibé foti osan hosi fundu kontinjénsia tanba fundu kontinjénsia ne’e urjénsia. Nune’e mós ba  problema ne’ebé deskobre iha relatóriu ne’e viajen estranjeiru barak liu.

Hatán kona-ba aleinde relatóriu sira ne’e no iha infrasaun sira seluk, José Ximenes, la esplika detallu prosesu hira mak  tama iha PGR, maibé prosesu sira ne’ebé tama iha PGR iha infrasaun PGR sei atua hodi defende interese Estadu nian tanba ne’e iha faze analiza bainhira  finaliza sei loke prosesu tuir mai.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here