Estrada Rurál munisípiu Ainaro. Imajen TATOLI/Egas Cristovão

DILI, 04 fevereiru 2021 (TATOLI)–Ministériu Obra Públika (MOP) liuhosi Diresaun Nasionál Aprovizionamentu (DNA) loke ona konkursu públiku ba projetu estrada rurál munisípiu haat hanesan Manatuto, Lautem, Ainaro no Baucau.

Diretór Nasionál Aprovizionamentu MOP, Quintiliano Belo, hateten iha governansaun agora koko atu halo aprovizioanamentu antesipada.

“Aprovizionamentu prodús Commitment Payment Voucher (CPV) tanba lei ezekusaun orsamentu fó dalan, maka ami hahú ona aprovizionamentu liuliu estrada rurál, ne’ebé MOP ninia área kobertura mak obra públika no edentifikasaun de’it, tanba diresaun ba bee no eletrisidade sai ona empreza públika. Ami loke ona konkursu projetu estrada rurál iha munísipiu haat ne’ebé mak durante ne’e sai preokupasaun komunidade, ami konsege halo buat balun,” Diretór Nasionál informa ba Agência TATOLI iha ninia knaar fatin, Caicoli, kinta ne’e.

Daudaun prosesu konkursu públiku ne’e iha ona kolesaun dokumentu empreza lokál sira ne’ebé mak kompete, ne’ebé ekipa sira iha hela munisípiu Ainaro.

Tuir Diretór ne’e, rekezitu ba projetu estrada rurál la kompleksu, importante mak empreza ne’e tenke husi munisípiu la’ós Dili.

“Ami fó oportunidade ba empreza lokál sira atu kompete, estrada rurál iha munisípiu entaun munisípiu oan sira mak tui. Implementasaun depende ba evaluasaun, tarde liu fulan-abril no planea ona iha fulan-maiu hala’o serbisu ona,” Quintiliano akresenta.

Iha munisípiu Lautém, estrada rurál ne’ebé sei halo manutensaun hamutuk kilómetru 26.6, iha Luru-Barikafa ho valór $252,520, Luru-Kotamutu-Lakawa ho valór $147,186, nune’e mós husi Daisadara-Liquidiga ho valór $198,672, no Leuro-Sourulua $283,174.

Munisípiu Ainaro, sei halo manutensaun ba estrada rurál sira hamutuk kilómetru 35.3, estrada rurál sira ne’ebé sei halo maka hahú hosi Maubisse-Liurai ho valór $118,756, suku Liurai-Hatubuilico no Liurai-Fatubosa $83,108.

Ainaro bá Mau Nuno no manutensaun iha suku Mau-Ulo ho totál osan $35,427 no manutensaun ba estrada dirasaun Dare-Mau-Chiga no Mau-Chiga ba Lesuati ho totál valór $39,100.

Enkuantu, iha munisípiu Manatuto estrada rurál ne’ebé mak sei halo manutensaun hamutuk kilómetru 82.7, estrada sira ne’e mak husi suku Haturalan bá suku Kairui ho valór osan $31,688, nune’e iha postu administrativu Natarbora husi suku Kaen-laran ba Barique ho osan hamutuk $309,349.

Postu administrativu Laklubar husi Laklubar ba suku Funar ho totál osan $226,512 no Funar-Fatumakere ho verba $448,615.

Postu administrativu Soibada, husi Manlala Manufahi kiik ba Soibada ho orsamentu $203,039, husi Soibada-Fatumakerek ho valór $196,205, no suku Uma-Boku ba Agrikultór Center ho osan $327,912, no Agrikultór center ba Aubeon $349.892.

Iha munisípiu Baucau sei halo manutensaun ba estrada hamutuk kilómetru 40.4, mak hanesan husi Baucau-Uatobo ho valór osan $431,054, manutensaun ba estrada husi Caicoli-Liabala, Oma Ana Iko, Berkoli-Bahamori, Buruma-Uaimateme, Boile-Uatabo, ho totál osan $306,664.

Husi Loilubu-Osso Ala ho osan $381,075, no Loilobu-Osso Ala ho korente2+500-4+500 ho totál osan $260,524 no Vemasse-Caicua $245,927.

Nune’e mós, sei halo estrada rurál hosi Bagui -Larisula, Samalari-Sorugua, Teriluedade-Salari-Binagua no Dailari-Boleha, husi rute sira ne’e sei gasta osan ho valór $281,659.

Jornalista: Antónia Gusmão

Editora: Julia Chatarina

1 KOMENTÁRIU

HAKEREK NO HATÁN

Please enter your comment!
Please enter your name here