Sekretáriu Estadu ba Asuntus Kombatentes Libertasaun Nasionál, Gil da Costa Monteiro 'Oan Soru'. Imajen TATOLI/Egas Cristovão

DILI, 01 fevereiru 2021 (TATOLI)–Sekretáriu Estadu Asuntu Kombatente Libertasaun Nasionál (SEAKLN), Gil da Costa Monteiro “Oan Soru”, ohin, relata servisu Ministériu Kombatente Libertasaun Nasionál (MAKLN) tinan 2020 nian ba Primeiru-Ministru Taur Matan Ruak iha Palásiu Governu, Dili.

“Ami mai informa asuntu ida de’it mak servisu ba fin do ano nian ba PM no ami relata mós kona-ba polítika kria fundu veteranu nian ba Primeiru-Ministru Taur Matan Ruak tanba PM hanesan mós na’in ba funu ne’e rasik,” Gil da Costa “Oan Soru” hatete bainhira hasoru malu ho Primeiru-Ministru, Taur Matan Ruak, segunda ne’e.

Governante ne’e hateten, fundu veteranu nian hamutuk millaun $9,940-resin maibé ho nia funan millaun $10-resin ona. Kona-ba millaun $10-resin ne’e, osan funan hosi janeiru to’o dezembru 2020 nian maibé ba janeiru tinan ne’e seidauk konta.

Kona-ba kontribuisaun, nia esplika, ema ne’ebé hetan ona pensaun hanesan pensaun sobrevivensia, pensaun subsistensia no balun pensaun espesiál reforma nian mak kontribui ona ba fundu iha 2020 nian.

Nia dehan, fundu ne’e sei garantia ba sira hotu nia futuru la’ós atu ba foti fali osan hosi fundu ne’e, tanba liuhosi fundu kontribuisaun ne’e bele fó dalan ba sira hodi halo kreditu.

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here