Vise-Ministru Edukasaun Juventude no Desportu, António Guterres. Imajen Tatoli/Dok.

DILI, 01 fevereiru 2021 (TATOLI)—Tuir dadus hosi Ministériu Edukasaun Juventude no Desportu (MEJD) hatudu katak, Timor-Leste (TL) iha eskola hamutuk 1.902.

Dadus ne’e fó sai hosi Vise-Ministru Edukasaun Juventude no Desportu, António Guterres, bainhira inagura no loke prosesu aprendizajen terseiru síklu eskola Ensinu Báziku São Carlos Borromeu, iha Aimeti Laran Manleuana, Dili, segunda (01/02).

Governante ne’e esplika, dadus ne’ebé iha, MEJD rejista hahú hosi pré-eskolár to’o ensinu sekundáriu inklui eskola internasionál sira.

“Loloos ne’e ita iha de’it eskola hamutuk 1.870-resin. Maibé, ita nia dadus eskola ne’ebé eziste iha Timor-Leste sa’e makaas, tanba ita rejista mós eskola internasionál sira,” António Guterres esplika ba jornalista sira.

Entretantu, hosi númeru 1.902, pré-eskolár to’o ensinu báziku hamutuk 1.284, kategoria pré-eskolár rasik iha 430, ensinu báziku 777 no eskola internasionál iha 28 ho kategoria ensinu pré-eskolár 11 no ensinu báziku 17.

Notísia Relevante:MEJD sei reabilita edifísiu eskola 222 iha marsu

Jornalista: Tomé Amado  

Editór: Cipriano Colo

HAKEREK NO HATÁN

Please enter your comment!
Please enter your name here