Prezidente CNE, Alcino de Araújo Barris. Imajen TATOLI/Egas Cristovão.

DILI, 29 janeiru 2021 (TATOLI)—Prezidente Komisaun Nasionál Eleisaun (CNC-sigla portugés), Alcino de Araújo Barris, apresia relatóriu subvensaun públika hosi partidu asentu parlamentár sira tanba iha kooperasaun di’ak tebes.

Notísia Relevante: Governu Foun Mak Halo Diploma Subvensaun ParPol

Alcino esplika, lei númeru 9/2017 kona-ba eleisaun parlamentár nian ne’ebé mak hetan kompensasaun ruma bainhira tuir lei eleisaun, nune’e sira bele hetan direitu kampaña tanba direitu kampaña ne’e define hosi diploma ministeriál.

Prezidente CNE ne’e hateten, Governu estabelese $4 ba kada votu ida. Entaun, tuir nia, sé mak votu barak liu, nia mak sei hetan barak liu.

Maibé, nia dehan, aban bainrua sira tuir no kaer nafatin ba lei refere no tuir eleisaun mak sei múltipla ba kada  votu ida sei hetan $4.

Alcino Barris esplika, bainhira atu aprova Orsamentu Jerál Estadu (OJE) tenke tau montante ida ba partidu politíku sira-ne’ebé iha asentu parlamentar.

Nia akresenta, kada kadeira ba partidu asentu parlamentár hetan proporsionalidade osan rihun $92 kada kadeira.

Tuir nia, lei rejime partidu politíku sira mak lei númeru 6/2008 mak fó autorizasaun hodi fó subvensaun ba partidu politíku sira.

Nia fundamenta, sansaun iha maibé tanba osan ne’e hosi Komisaun Nasionál Eleisaun (CNE, sigla portugés) mak foin aloka ba sira-nia konta bankária, maibé tenke hatama relatóriu ba gastu sira antes termina loron 45 nia-laran kada tinan fiskál.

“Bainhira sira la hatama no la koopera ka tama arbiru de’it mak bele sujeita ba krime, multa no sei lakon direitu automatikamente. Maibé oras ne’e, sira koopera di’ak loos no prepara relatóriu,” Prezidente CNE, Alcino Barris, informa ba jornalista sira iha Palásiu Prezidensiál, Bairru-Pité, sesta ne’e.

Nia haktuir, iha 2019 partidu asentu parlamentár sira hatama ona relatóriu, CNE justifika ona no bainhira komprova hotu ona mak CNE sei halo deliberasaun no públiku iha Jornál Repúblika nian.

Atu buat hotu-hotu transparante, nia dehan, mak osan sira-ne’e gasta ba partidu politíku sira no gasta ba interese partidu.

Jornalista : Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here