Prezidente Tribunál Rekursu, Deolindo dos Santos. Imajen Tatoli /Egas Cristovão

DILI, 27 janeiru 2021 (TATOLI)- Prezidente Tribunál Rekursu (PTR), Deolindo dos Santos, husu ba partidu foun sira atu kompleta rekizitu  hodi bele  legalizasaun.

Deolindo dos Santos, esplika, tuir regra prosesuál partidu foun  sira ne’ebé hatama ona pedidu inskrisaun iha Tribunál Rekursu ikus mai  iha desizaun TR nian indefere tanba seidauk kumpre rekizitu sira sei iha dalan no laiha prazu hodi bele kompleta fila-fali rekizitu sira. Nune’e hato’o fila-fali pedidu inskrisaun  ba iha Ministériu Justisa liuhosi Diresaun Nasionál Servisu Notariadu hodi bele halo autentikasaun (verifikasaun).

Notísia Relevante : Patifor ho PDS mós la prienxe rekizitu

“Momentu  ne’e partidu sira ne’ebé desizaun sai ona ne’ebé seidauk kumpre rekizitu sira ita notifika ona, maibé  seidauk iha informasaun ruma,” Deolindo dos Santos, hateten Agência TATOLI iha Parlamentu Nasionál, kuarta ne’e.

Tribunál Rekursu  simu pedidu inskrisaun hosi partidu foun  haat hanesan Os Verdes, Fitun, Patifor ho  Partidu Dezenvolvimentu Sosiál  (PDS), maibé  desizaun TR nian indefere hotu tanba iha rezultadu verifikasaun seidauk kumpre rekizitu tuir lei partidu polítiku iha artigu 13.

Jornalista   : Nelson de Sousa

Editór        : Francisco Simões 

HAKEREK NO HATÁN

Please enter your comment!
Please enter your name here