Diretór Jerál DNRN, Crisogno da Costa Neto. Imajen Tatoli/Domingos Piedade.

DILI, 21 janeiru 2021 (TATOLI)-Iha janeiru nia laran, tinan ne’e, Ministériu Justisa (MJ) liuhosi Diresaun Jerál Servisu Notariadu (DGSRN) simu tan pedidu inskrisaun hosi partidu foun Aliansa Nasionál Demokrátika.

“Partidu foun ida ho naran Aliansa Nasionál Demokrátika mak hatama pedidu inskrisaun no agora daudaun sei iha prosesu verifikasaun ba dokumentu,”  Diretór Jerál Rejistu Notariadu, Crisogno da Costa Neto, informa, ohin,  ba Agéncia Tatoli iha Dili.

Nia esplika, tuir prosesu hafoin finaliza verifikasaun sei relata fila-fali ba Ministru Justisa (MJ) Manuel Cárceres da Costa, hodi enkamiña ba Tribunál Rekursu (TR) no  Tribunál Rekursu mak sei emite legalidade jurídika inskrisaun legál partidu foun.

Tuir lei partidu polítiku iha artigu 13 primeiru partidu foun sira tenke prienxe rekizitu hanesan iha apoiante 20.000, estatutu, manual programa,  denominasaun, sigla partidu, bandeira, emblema, marxa partidu (hinu)  ho sira seluk tan.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here