Expedito dias Ximenes. Imajen/Espesiál.

DILI, 18 janeiru 2021 (TATOLI)–Expedito Dias Ximenes no Benevides Correia Barros, reprezenta Parlamentu Nasionál (PN) ba iha Conselho de Imprensa (CI) períodu 2021-2025 nu’udar konsilleiru.

Notísia Relevante: PN Sei Hala’o Eleisaun Ba Membru CI, CNRT Propoin Expedito Dias Ximenes

Parlamentu Nasionál hili sidadaun na’in-rua ne’e liuhosi plenária, segunda ne’e.

Kandidatu sira mak hanesan CNRT propoin Expedito dias Ximenes, PLP propoin Jordão Henrique, PD propoin Benevides Correia Barros.

Iha área komunikasaun sosiál nian iha kandidatu na’in-rua, númeru 01 mak Expedito Dias Ximenes no kandidatu númeru 02 mak Jordão Henrique.

Iha prosesu votasaun sekretu ne’e, deputadu sira vota dala-ida maibé vota dala-rua ba kandidatu ne’ebé esperiénsia iha área komunikasaun sosiál no área jurídiku nian.

Benevides Correia Barros. Imajen/Espesiál

Hafoin termina votasaun tama ba kontájen votu mak separa entre jurista no mídia nian ka komunikasaun sosiál nian. Ikus mai, Expedito Dias Ximenes reprezenta PN ba Conselho de Imprensa ho rezultadu votasaun 36 no Jordão Henrique hetan votu 29.

“Nune’e, kandidatu Expedito Dias Ximenes no Benevides Barros, eleitu ba Conselho Imprensa,” Prezidente Parlamentu Nasionál, Deputadu Aniceto Longuinhos Guterres, anunsia hafoin votasaun.

Tanba tuir lei komunikasaun sosiál, Parlamentu Nasionál tenke hili ema na’in-rua ne’ebé méritu iha área komunikasaun sosiál no ema ida nu’udar jurista esperiénsia iha área jurídiku nian.

Entretantuu parlamentu hili Benevides Correia Barros ba iha Conselho Imprensa ho rezultadu votasaun a-favór 53, kontra 6, abstensaun 4 no branco 2 tanba laiha kandidatu seluk mak kompete.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here