Sekretariu Jeral Asosiasaun Futsal Timor -Leste (AFTL) Fernando Baptista Xavier. Imajen/Espesiál

DILI, 13 janeiru 2021 (TATOLI) – Sekretáriu Jerál Asosiasaun Futeból Salaun (Futsal) Timor-Leste (AFTL), Fernando Baptista Xavier, informa Pra Liga Futsal Timor- Leste (PLFTL) daudaun ne’e suspende provizóriu hela tanba kumpre regra Estadu Emerjénsia dasiak.

“Ita hotu hatene Pra Liga ne’e hala’o ba jornada 17 ona, maibé agora provizóriu paradu tanba situasaun Covid-19 no Federasaun Futeból Timor – Leste mós hatún ona sirkulár katak atividade sira tenke suspende hotu depois Estadu Emerjénsia remata ita sei kontinua fali,” dehan Fernando ba Agencia Tatoli iha edifisiu AFTL Xanana Sport Centre Bairro Formosa, kuarta ohin.

Nia dehan, tuir oráriu ne’ebé iha jogu Pra Liga Futsal ne’e sei hal’ao hamutuk jornada 23 durante fulan neen (6) nia laran.

“Agora daudaun ami prepara ona proposta ba prémiu nianb a iha primeiru divizaun no segunda divizaun nian, ami elabora hela aproveita tempu mamuk ida ne’e iha Covid-19 nia laran ne’e, depois ami sei submete ba FFTL, bainhira rona ona rezultadu mak ami sei anunsia sai fali prémiu hira no buat seluk tan liga ho jogu Pra Liga ne’e,” nia hateten.

Jornalista  : Hortencio Sanchez

Editór        : Francisco Simões

 

 

HAKEREK NO HATÁN

Please enter your comment!
Please enter your name here