Sekretáriu Estadu Protesaun Sivíl (SEPS), Joaquim Gusmão, distribui apoiu emerjénsia ba família uma-kain 26, sesta (08/01). Imajen/SEPS

DILI, 08 janeiru 2021 (TATOLI)-Sekretária Estadu Protesaun Sivíl (SEPS), ohin, distribui apoiu emerjénsia bá família uma-kain 26 ne’ebé afetadu hosi dezastre naturaís ka bee tama uma, foin lalais ne’e,  iha Suku Camea, Aldeia Fatuk Francisco, Postu Administrativu Cristo Rei no Suku Vila Verde, Aldeia Ailok Laran, Postu Administrativu Vera Crus, Munisípiu Dili.

Apoiu ne’e ofisiálmente entrega direita hosi Sekretáriu Estadu Protesaun Sivíl, Joaquin Gusmão, akompaña hosi Diretór Jerál SEPS, Superintendente Xefe Polísia, Ismael Babo.

“Udan ne’ebé akontese, horibainrua, ita identifika iha parte rua ne’ebé mak vítima maka’as, nune’e, ohin ita fó apoiu emerjénsia,” Sekretáriu Estadu Joaquin Gusmão, hateten bá jornalista sira.

Nia hateten, tuir verifikasaun ekipa SEPS nian família hirak ne’e sai afetadu hosi udan-boot ne’ebé rezulta bee tama uma laran hodi estraga sasán balun iha uma laran, tanba ne’e parte SEPS kontinua verifika ho loloos.

Tuir dadus provizóriu ne’ebé Agência Tatoli asesu hosi SEPS kona-ba situasaun risku dezastre naturaís iha territóriu tomak durante janeiru 2021, espesífikamente iha loron 05-06 janeiru 2021 iha munisípiu haat hanesan Dili, Viqueque, Manatuto ho Covalima.

Iha Suku Dilor, Postu Administrativu Lacluta, Munisípiu Viqueque, labarik feto ida ho tinan (10) mate tan mota lori  iha udan boot foin lalais ne’e.

Ekipa SEPS iha baze halo intervensaun direita hodi evakua vítima ne’ebé udan sobu sira-nia uma ba iha fatin dignu hodi asegura, maibé komunidade balun la evakua tanba bee tama uma ladún iha efeitu boot.

Nia dehan, Governu iha obrigasaun fó apoiu emerjénsia ba família afetadu hirak no daudaun hala’o hela distribuisaun bá apoiu ba família afetadu.

Jornalista   : Nelson de Sousa

Editór        : Francisco Simões

PUBLISIDADEiklan

HAKEREK NO HATÁN

Please enter your comment!
Please enter your name here