Produtu Cesta Bázika iha bote-laran Imajen TATOLI/Antónia Gusmão

DILI, 06 janeiru 2021 (TATOLI)–Diretór Jerál Sekretaria Estadu Kooperativa (SEKOOP), Domigos Xavier, husu ba kompañia fornesedór Cesta Bázika iha munisípiu hitu, atu finaliza distribuisaun produtu ba komunidade iha fulan-fevereiru. Tinan ne’e.

SEKoop responsabiliza implementasaun programa Cesta Bázika iha munisípiu hitu hanesan Suai, Aileu, Ainaro, Same, Manatuto, no Liquiçá.

“Ha’u husu kompañia sira tenke kumpre data distribuisaun ne’ebé SEKoop fó. Data limite ba distribuisaun ba munisípiu hitu to’o de’it 05 fevereiru, ne’e hakarak ka lakohi ita tenke finaliza ona ba distribuisaun,” Diretór Jerál SEKoop informa kuarta ne’e, iha edifísiu Federasaun Hanai, Bairro Pité.

Iha fatin hanesan, Diretór Kompañia  Green Motain, Domigos Soares Pereira, otimista kompañia sei finaliza tuir data ne’ebé maka parte SEKoop fó.

“Ami fiar sei bele halo distribuisaun to’o finál, maski distribuisaun ne’ebé maka halo to’o suku no aldeia remota sira,” nia dehan.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here