TDD. Imajen Tatoli /Dok

DILI, 04 janeiru 2021 (TATOLI)-Juis Administradór Tribunál Distritál Dili (TDD), Afonso Carmona, informa, nia parte orienta no halo ona distribuisaun prosesu kazu krime no sivíl ba juis titulár sira hodi  asegura.

Notísia Relevante : Kazu Pendente Kontinua Eziste iha TDD

Afonso Carmona, informa, iha 2020 TDD finaliza  (julgadu) prosesu krime 1.791, hosi dadus TDD nian  iha kazu krime pendente ne’ebé mai hosi 2019 ho totál 2.054 no ba prosesu kazu tama foun iha 2020 hamutuk 1.465

Ba Agência Tatoli, ohin, iha TDD, Afonso Carmona, hateten hosi progresu ba kazu ne’ebé finaliza hatudu iha signifikativu tanba ne’e nia parte kontinua orienta juis titulár hodi kontinua aselera prosesu pendente.

“Pendente la’ós juis sira mak la redús prosesu tanba númeru prosesu foun mak tama mai hosi Ministériu Públiku nune’e halo prosesu pendente maibé marka hotu ona nia oráriu ba julgamentu,’’ Afonso Carmona haktuir.

Nia dehan, prosesu sira tama iha tribunál la’ós númeru loos ona, maibé prosesu sira tama hanesan depende akontesimentu ka problema iha baze nune’e númeru sempre aumenta.

Iha segunda (04/01), TDD hetan kolokasaun juis foun na’in rua; José Gonçalves ho Alvaro Freitas, ne’ebé antes ne’e hala’o kna’ar iha Tribunál Baucau no Suai. Ho nune’e, TDD iha ona juis na’in-16 hosi ne’e na’in-neen (6) koloka ba iha ka’er prosesu sivíl no na’in-10 koloka ba iha prosesu krime .

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here