Atividade IGE iha terrenu normaliza ponte estragu kauza udan boot. Imajen/Mídia MOP

DILI, 23 dezembru 2020 (TATOLI)Institutu Jestaun no Ekipamentu, Institutu Públiku (IGE, I.P sigla portugés) nebe’é tutela iha Ministériu Obra Públika (MOP), halo narmalizasaun ba ponte ligadu postu administrativu Natabora, munisípiu Manatuto ba Dilor, munisípiu Viqueque ne’ebé hetan estragu impaktu husi udan.

Bazeia ba nota imprensa ne’ebé Agência TATOLI asesu, atividade normalizasaun ne’e bazeia ba orientasaun Ministru Obra Públika, Salvador Eugênio Soares dos Reis Pires ba Prezidente IGE, Hermenegilda D.C. Laurentina, hodi orienta tékniku mobiliza ekipamentu ba fatin risku no bele hamosu inundasaun.

“Daudaun ne’e ekipa institutu halo servisu emerjénsia hodi ateru rai ba Ponte Dilor ne’ebé liga ba postu Administrativu Natarbora, suku Sicone, munisípiu Manatuto tanba hetan estragu hosi udan boot ne’ebé akontese iha horiseik to’o agora,” nota ne’e haktuir.

IGE halo ona intervensaun hodi responde ba fatin seluk hodi nune’e bele fasilita movimentasaun transporte públiku ba populasaun ne’ebé atu ba pasa féria loron boot Natál no tinan foun 2021 ho família iha munisípiu sira.

Jornalista: Antónia Gusmão

Editora: Julia Chatarina

1 KOMENTÁRIU

HAKEREK NO HATÁN

Please enter your comment!
Please enter your name here