Espoza Prezidente Repúblika, Cidália Nobre Lopez Mouzinho Guterres oferese prenda ba estudante Eskola Infantil no Primária Ailok Laran Atabae. Imajen Tatoli/Cipriano Colo

DILI, 15  dezembru 2020 (TATOLI)-Embaixada Xina iha Dili, ohin, apoia fundu $15,000,00 ba Gabinete  Apoiu Atividade Konjuge  Prezidente Repúblika (GAAC-PR).

Xefe Kaza Sivíl Prezidénsia Repúblika , Francisco Maria de Vasconselhos, hateten, fundu ne’e sei apoiu atividade Espoza Prezidente Repúblika, Cidalia Lopes Nobre Mouzinho,  hodi hala’o ba servisu sosiál liu-liu hanesan   kombate má-nutrisaun, ajuda labarik  feto ne’ebé vulneravel remata eskola sedu, violénsia doméstika, fó apoiu ba inisiativa grupu feto  iha dezenvolvimentu ekonomia no sira seluk tan ne’ebé implementa iha Dili no munisípiu balun.

Xefe Kaza Sivíl, Francisco Maria de Vasconselhos, informa, iha ámbitu apoia fundu ne’e, parte sira   ko’alia mós kooperasaun ba programa ne’e no Xina hatudu nia prontidaun  ba oin kontinua apoiu programa ne’e.

Apoia  Embaixada Xina  ba  GAAC-PR ne’e hahú iha 2018 to’o mai agora no tuir planu kontinua apoiu durante mandatu Prezidente Repúblika, Francisco Guterres “Lú-Olo” nian.

Embaixadór Xina iha Timor-Leste, Xiao Jianguo, onra boot hodi bele apoiu Gabinete PR tanba atividade no programa sira apoiu tebes sidadaun sira nian, liu-liu iha area saúde, edukasaun no ba moris di’ak ema ho  vulneravel.

Jornalista   : Nelson de Sousa

Editór        : Francisco Simões

 

HAKEREK NO HATÁN

Please enter your comment!
Please enter your name here