Hospitál Nasionál Guido Valadares (HNGV). Imajen Tatoli/Egas Cristóvão.

DILI, 11 dezembru 2020 (TATOLI)—Parlamentu Nasionál (PN), ohin, aprova orsamentu montante $11,450,915.00 ba Hospital Nacional Guido Valadares (HNGV) ho rezultadu votasaun a-favór 42, kontra 0 no abstensaun 0.

“Orsamentu ba Hospital Nacional Guido Valadares pasa,” Prezidente Parlamentu Nasionál, Deputadu Aniceto Longuinhos Guterres Lopes, anunsia liuhosi plenária Parlamentu Nasionál. 

Papél hosi Hospital Nacional Guido Valadares (HNGV) mak presta cuidados sekundáriu no terciários ba saúde hodi apoia prestasaun cuidados iha promosaun, preventivu, kurativu, reabilitativu no paliativu.

Medidia prinsipál setoriál hosi HNGV ba tinan  fiskál 2021 mak asegura atendimentu kualidade liuhosi kuidadu primáriu no sekundáriu ba populasaun hotu, realiza formasaun kontínua ba profísionál saúde, liuhosi kursu espesializada, treinu ba médiku sira, ajente saúde sira no promove espansaun servisu saúde, inklui onkolojia (formasaun, edifísiu no ekipamentu), promove governasaun di’ak no jestaun institusionál, fortalese kapasidade rekursu umanu.

Hosi medida prinsipál hirak ne’e Hospital Nacional Guido Valadares propoin orsamentu $11,450,915.00 inklui $1,739,000.00 ba implementasaun atividade medida Planu Rekuperasaun Ekonómika (PRE), ne’ebé koloka ba saláriu no vensimentu $5,117,740.00, bens no servisu $4,594,326.00, kapitál minór $238,849 no kapitál dezenvolvimentu $1,500,000.00.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here