MInistru Edukasaun Juventude no Desportu, Armindo Maia. Imajen Tatoli/Egas Cristovão

DILI, 11 dezembru 2020 (TATOLI)—Ministru Edukasaun Juventude no Desportu (MEJD), Armindo Maia, hateten foti ona desizaun hodi hapara provizóriu projetu lian maternal atu hanorin estudante sira iha eskola públiku iha Timor-Leste.

Nia parte foti desizaun ne’e, tanba ekipa sei halo avaliasaun ba rezultadu implementasaun iha eskola 10 iha Munisípiu tolu ne’ebé maka antes ne’e implementa ona projetu ne’e.

Notísia Relevante :PR Sujere Hanorin Lian Ofisiál La’ós Materna

“Ha’u rasik foti desizaun hodi hapara lai projeitu lian materna ne’ebé tuir planu atu espande tan ba munisípiu tolu ho razaun ita presiza halo lai avaliasaun ba eskola 10 iha Municipiu Lautem, Manatutu no RAEOA depois mak ita kontinua implementa tan ba Munisípiu seluk,” nia informa iha plenária Parlamentu Nasionál durante diskusaun OJE 2021, kinta (10/12).

“Ita lakohi prejudika labarik sira tanba sira mak sai nu’udar ita-nia sentru atensaun, tan ne’e ita tenke haree ho didiak kestaun ne’e para labele prejudika fali labarik sira,”nia tenik tan.

Notísia Relevante :PN Konsidera Lian Materna ho Polemika ÓNGV Sai Kestaun Grave

Jornalista : Tomé Amado 

Editór :Agapito dos Santos  

HAKEREK NO HATÁN

Please enter your comment!
Please enter your name here