Treinadór Lalenok United FC, Simón Elissetche. Imajen/Espesiál

DILI, 10 dezembru 2020 (TATOLI) – Treinadór Lalenok United FC, Simón Elissetche hateten, daudaun ne’e sira-nia parte halo hela analiza ba jogu kontra AD SLB Laulara iha finál tasa 12 Novembru, epoka ne’e, ne’ebé sei hala’o iha  Estádiu Munisipál Dili, sábadu (12/12).

Treinadór nasionalidade Xile ne’e otimista Lalenok mantein iha nia “glória” hanesan kampiaun ba tasa 12 Novembru hodi hatuur istória Lalenok nian  hi’it tasa 12 Novembru ba dala rua tuituir-malu.

“Agora ami prepara hela oinsá mak atu joga hasoru SLB, jogu ne’e difisil loos, maibé ami otimista katak ami sei manan,” Simón hateten ba Agência Tatoli, ohin, iha kampu futeból Lalenok iha Fatuhada, Dili.

Jogu ekipa rua ne’e hakerek ona iha istória futeból Timor – Leste nian katak SLB seidauk manan Lalenok dala ida iha sira na’in rua nia jornada jogu iha kampu laran iha tasa 12 Novembru dala-rua tuituir malu, supertasa no iha Liga Futeból Amadora (LFA) tinan sira ba kotuk. Maski nune’e, Simón kontinua konsidera SLB ekipa ne’ebé forte. Nune’e Lelenok tenke servisu maka’as.

Jornalista   : Hortencio Sanchez

Editór        : Francisco Simões

HAKEREK NO HATÁN

Please enter your comment!
Please enter your name here