Primeiru-Ministru, Taur Matan Ruak, prezide reuniaun Konsellu Ministru, iha Palásiu Governu. Imajen Tatoli/António Gonçalves

DILI,09 dezembru 2020 (TATOLI)—Governu liuhosi reuniaun Konsellu-Ministru iha kuarta (09/12) halo ona alterasaun dahuluk ba dekretu–lei númeru 12/2019, loron 14 fulan-janeiru, kona-ba orgánika Ministériu Turizmu Komérsiu no Indústria (MTKI).

“Projetu dekretu-lei ne’e aprezenta husi Ministru Turizmu, Komérsiu no Indústria, José Lucas do Carmo da Silva, no hetan ona aprovasaun iha Konsellu-Ministru,” Ministru Presidensia Konsellu Ministru, Fidelis Manuel Leite Magalhães iha Palacio do Governo Dili.

Portavóz Governu ne’e hateten maski foin maka halo aprovasaun ba alterasaun dekretu-lei MTKI ne’e maibé antes ne’e aprova ona alterasaun balun iha reuniaun Konsellu Ministru iha loron 20 fulan-novembru 2020 kona-ba kontratu pesoál sira atu servisu iha Merkadu Taibesi no Manleuana.

“Projetu dekretu ne’e agora aprova ona hodi rekoñese kompeténsia tranzitória Ministériu Turizmu, Komérsiu no Indústria nian hodi halo kontratasaun pesoál ba merkadu Taibesi no merkadu Manleuana nian,” Fidelis dehan.

Jornalista:Antónia Gusmão.

Editór:Agapito dos Santos

HAKEREK NO HATÁN

Please enter your comment!
Please enter your name here