Ministru Prezidénsia Konsellu Ministru, Fidelis Manuel Leite Magalhães. Imajen Tatoli/Egas Cristovão

DILI, 09 dezembru 2020 (TATOLI)—Governu liuhosi sorumutu Konsellu-Ministru, ohin halo ona diskusaun ba polítika Governu atu estabelese Komisaun Prevensaun ba luta hasoru tráfiku umanu.

Ministru Justisa Manuel Cárceres da Costa, maka aprezenta proposta ne’e ba Konsellu-Ministru hodi halo diskusaun maibe seidauk hetan aprovasaun hodi adia fali ba reuniauk KM tuir mai.

“Ministru Justisa, Manuel Cárceres da Costa, aprezenta ba Konsellu-Ministru opsaun polítiku-lejizlativa subjasente ba projetu lejizlativu kona-ba estabelesimentu Komisaun prevensaun no luta hasoru tráfiku ema nian,” Ministru Prezidensia Konsellu Ministru, Fidelis Manuel Leite Magalhães iha Palacio do Governo Dili.

Komisaun ne’e permite atu koordena asaun nesesáriu hodi garante medida protesaun no asisténsia ba vítima tráfiku umanu.

Aleinde ne’e atu promove no asegura koordenasaun husi entidade nasionál no halo kooperasaun ho entidade estranjeiru para kombate hasoru tráfiku umanu no mós akompaña aplikasaun husi disposizaun ba konvensaun tráfiku umanu ne’ebé Timor-Leste ratifika ona.

“Opsaun polítika lejizlativa ne’e sei halo diskusaun fali iha reuniaun Konsellu-Ministru tempu oin mai,” Ministru Fidelis hateten.

Jornalista:Antónia Gusmão.

Editór :Agapito dos Santos

HAKEREK NO HATÁN

Please enter your comment!
Please enter your name here