DILI, 03 dezembru 2020 (TATOLI) – Ekipa FC Bermeta susesu manan Coelho FC 3-2 iha kontinuasaun jogu Pra Liga Futeból Salaun (Futsal) Timor -Leste (PLFTL).
Liuhosi jogu ne’ebé hala’o, ohin kalan, iha kampu Futsal Kuartél Jenerál FALINTIL-Forsa Defeza Timor – Leste (F-FDTL), ekipa rua hatudu jogu kapás no hatudu ida-idak nia abilidade hodi halimar bola kabuar iha kampu laran, maibé sorte boot liu ba FC Bermeta tanba oportunidade lubuk ida sira konsege aproveita hodidiak hodi prodús golu.
Golu vitória FC Bermeta rekolla hosi jogadór Benedito Ramos iha minutu ’19, Gabriel Ximenes ’30 no Januário Ximenes ’38. Enkuantu golu rua Coelho FC nian kontribui hosi Frangenio Memo iha minutu ’19 no Antonio Noni ’23.
Jornalista : Hortencio Sanchez
Editór : Francisco Simões
