Tiago Guerra no nia kaben Chan Fong Fong Guerra. Imajen/Espesiál

DILI, 02 dezembru 2020 (TATOLI)-Tribunál Distritál Dili (TDD), ohin, kontinua rona sasin ba kazu fasilita kazál Portugés; Tiago Guerra ho Chang Fong-Fong Guerra,  halai sai  hosi territóriu Timor-Leste iha 2017.

Prosesu ne’e Ministériu Públiku  kondús  akuzasaun tuir artigu  236 Kódigu prosesu penál, rekere julgamentu ho prosesu komún ho intervensaun Tribunál koletivu kontra arguidu-sira hanesan, DDJ hosi Fransa no nia nasionalidade Portugés, arguidu MTSF, no NESF.

Akuzasaun iha indísiu katak arguidu NESF  nu’udar diretór ba kompañia Corais  ho kapitál  90% nain ba ró peska la’ós komersiál ho tipu  glas kór mutin  no sinál identifikasaun embarkasaun BOUNTY LNCDMR 32 71.

Arguidu DDJ hanesan sósiu iha kompañia  Corsis Timor  Lda ho kapitál 10%, au mézmu tempu hanesan mós kapitaun ba ró peska la’ós komersiál ho pu Glas  kor mutin  BOUNTY LNCDMR 32 TL ( 1167 so’e 1174).

Arguidu MTSF  hanesan kapitaun ba ró peska la’ós mós komersiál ho tipu glass, kór mutin, BOUNTY LNCDMR 32 TL, 1167 4 4

Iha loron 19 abríl 2017, arguidu NESF  rekere ba iha servisu tékniku iha area Konformidade Diresaun Jerál Alfándega hodi importa mai Darwin- Australia mai Timor-Leste, ró Bounty ho mercury 90 PK, kór mutin ne’ebé sosa ho folin $6.182.90  no selu impostu ho valor $19,620.100

Iha juñu 2017, arguidu NESF hato’o pedidu lisensa ba atividade peska la’ós komersiál. Iha loron 5 agostu tinan 2017, Diresaun Nasionál Inspesaun Peska halo inspesaun ba roo refere bazeia ba pedidu arguidu NESF, atu hala’o atividade peska desportiva, Peska momentu ne’ebá Diresaun Nasionál Inspesaun Peska halo markasaun ba peska la’ós komersiál, hafoin kompañia bele hetan lisensa hodi hala’o peska desportiva.

Iha  loron 24 agostu 2017, arguidu NESF selu tarefa ba lisensa peska  iha  banku BNU ho valor $3,050.00. Ró refere foin maka hala’o atividade hahú hosi loron 24 agostu 2017, maibé arguidu NESF fa’an fali ba Tiago Guerra iha loron 6 outubru tinan 2017, ró refere apenas hala’o atividade durante fulan balun no iha  loron 02 novembru tuku 20:02 Otl  no loron 04 novembru 2017, tuku 12:07, arguidu NESF, halo kontaktu via SMS ba 70006 deskonfia Tiago Guerre, hodi kontrata kona-ba sosa no fan ró.

Iha loron 05 novembru 2017, kalan, depois selebrasaun kontratu fa’an no sosa ró feschaga Pagen arguidu NMTSF   no DDJ hanesan kapitaun ba ró hodi hamutuk ho arguidu NESF hodi futu-lia hamutuk hodi transporta ró ba Betano, Munisípiu Manufahi

Iha loron 06 novembru 2017, tuku  09.40 arguidu NSF lori osan hosi rezultadu fa’an ró ho montante $16,000.00 ba depozita iha BNU.

Iha loron 06 novembru 2017, purvolta tuku 12:00 Otl, DDJ ho MT hamutuk tan ho ema ida transporta ró  hosi Dili ba Betano, Manufahi no to’o iha Same purvolta tuku 18:30 Otl, hafoin sira toba iha hotel Braia, pertense ba Australianu nian iha area Nularan – Same Vila.

Iha loron 06   novembru 2017, Tiago Guerra ho Chang Fong-Fong Guerra arranka hosi Dili ba Munisípiu Manufahi no iha loron 07 novembru  2017, purvolta tuku 03:50 madrugada, arguidu MT  ho DDJ sai hosi hotel Nularan – Same Vila ba tasi-ibun Waidabere- Same.

To’o iha tasi-ibun Wadubere – Same, arguidu DDJ hakiduk karreta ne’ebé nia kondús hodi transporta ró ne’e tama ba iha tasi laran no arguidu DDJ foti pilox kór metan hodi apaga ró  nia naran no númeru matrikula.

Lakleur Tiago Guerra ho Chang Fong – Fong Guerra mai hosi tasi ninin hodi lao ba diresaun ró para hodi sa’e kedas ba iha ró laran no arguidu DDJ hodi hakiduk tan karreta tama ba tasi laran no ema na’in-rua seluk kore tali no arguidu na’in  hodi dudu ró  refere tama ba iha tasi-laran.

Tiago Guerra ho Chang Fong – Fong Guerra imediatu hamoris ró hodi arranka kedas no Timoroan seluk hatete katak “ami ba sei la fila ona!”.

Arguidu DDJ kondús mesak karreta ne’ebé dada troli hodi lao uluk, hafoin arguidu MT tula ho Timoroan ne’e hamutuk ho nia karreta ne’ebé nia kondús hodi tuir arguidu.

Arguidu na’in-tolu hatene di’ak katak atu sai ba nasaun seluk legálmente tenke liu hosi  portaun Portu Dili ka aeroportu, maibé arguidu na’in-tolu fasilita kondenadu kazál  sidadaun Portugal  liuhosi tasi Betano hodi transfere kondenadu-sira ba iha país  seluk sem taka vistu no mós laiha koñesimentu hosi autoridade Migrasaun.

Hahalok arguidu na’in-tolu ne’ebé maka hanoin ho kondenadu Tiago Guerra ho Chang Foog- Fong Guerra, hodi fasilita malu hodi nune’e ema na’in  hira konsege duni halai sai hosi territóriu ka halai hosi justisa Timor nian no agora daudaun kondenadu na’in-rua konsege to’o iha Portugal.

Arguidu na’in-tolu ho intensaun kria motivu hodi fasilita Tiago Guerra ho Chang Fong- Fong Guerra halai

Arguidu na’in-tolu  mós ho intensaun  no hatene katak hahalok refere kontra lei, maibé sira hamutuk hodi futu-lia hodi kontinua sira-nia hahalok kriminál hodi hamosu prezuiju ba Estadu no difikulta autoridade judisiál nia servisu.

Arguidu na’in-tolu hatene katak osan ne’ebé maka sira simu hosi Tiago Guerra ho Chang Fong- Fong Guerra produtu krime mézmu hanesan ne’e sira kontinua transfere osan ne’e ba iha banku hodi subar nia orijen  hodi bele hetan ba vantajen patrimonial.

Arguidu na’in-tolu sira hatene katak hahalok refere kontra lei mézmu hanesan ne’e sira la para no kontinua komete hodi rezulta avaliasaun sira hanesan temi ona iha leten.

Ho nune’e iha indísiu forte arguidu DDJ  komete krime favoresimentu pesoál p no p iha art 290 KP b. autór material Krime falsifikasaun agravada p no p iha art 304 KP c krime brankamentu kapitais p no p iha art 313 n. 1 al a) KP alteradu ho Lei n 17/2011 de 28 de dezembru.

Arguidu  MTSF komete krime favoresimentu pesoál p no p iha art 290 KP b. ko autór ba Krime falsifikasaun agravada p no p iha art 304 KP c. krime brankamentu kapitais p no p iha art 313 n. 1 al a) KP alteradu ho Lei n. 17/2011 de 28 de dezembru.

Arguidu  NESF komete krime favoresimentu pesoál p no p iha art 290 KP b. autór material ba krime falsifikasaun agravada p no p iha art 304 KP c Krime brankamentu kapitais p no p iha art 313 n. 1 al a) KP alteradu ho Lei n. 17/2011 de 28 dezembru.

Liu hosi audiénsia julgamentu ne’e sasin ho inisiál FDS no ICCP nu’udar traballadór iha otél  Uma Liurai Same, konfesa ba Tribunál katak, sira iha koñesimentu kona-ba arguidu-sira iha tinan 2017 (fulan no loron la apuradu) arguidu-sira ba toba iha otél Uma Liurai Same.

Sasin sira, haktuir, momentu ne’ebá arguidu-sira ho karreta-rua no karreta-ida mak dada ró ne’ebé to’o iha  otél liurai maizumenus iha tuku 17:00  Otl.

Sasin FDS no ICCP lembra  katak, hafoin dadeer arguidu-sira sai hosi otél  hafoin rona ema dehan no liu tiha loron-rua polísia ba hala’o investigasaun ida iha otél Liurai nune’e sira hatene katak iha kazu relasiona ho kazál Portugés; Tiago Guerra ho Chang Fong – Fong Guerra  sai   hosi ona  territóriu Timor-Leste.

Hafoin rona tiha deklarasaun Tribunál deside adia fila-fali julgamentu ne’e ba iha loron 21 dezembru, tinan ne’e, iha tuku 17:00 Otl, hodi rona sasin sira seluk.

Julgamentu ne’e prezide hosi juis koletivu, Maria Solana, Ana Paula Fonseca, Ivan  Suritai, Ministériu Públiku reprezenta hosi Prokuradora, Lidia Soares, no arguidu -sira hetan asisténsia legál  hosi advogadu José Guterres, Martina Costa.

Jornalista   : Nelson de Sousa

Editór        : Francisco Simões  

HAKEREK NO HATÁN

Please enter your comment!
Please enter your name here