Ministru Prezidénsia Konsellu Ministru, Fidelis Manuel Leite Magalhães no Portavóz Governu. Imajen TATOLI/Egas Cristovão

DILI, 20 novembru 2020 (TATOLI)-Governu liuhosi Konsellu Ministru (KM)  aprova projetu dekretu-lei, ba alterasaun dahuluk orgánika Ministériu Turizmu, Komérsiu no Indústria (MTKI).

Projetu dekretu-lei ne’e ho objetivu atu armoniza substánsia husi lei orgánika ministériu ho atuál Lei Orgánika Governu Konstitusionál VIII, liuliu ba ida-ne’ebé refere ba kompeténsia Vise-Ministru Turizmu, Komérsiu no Indústria no Vise-Ministra Turizmu Komunitáriu no Kulturál.

“Tuir Lei Orgánika Governu VIII Konstitusionál, Sentru Lojístika Nasionál (CLN, sigla portugés) kontempla iha Ministériu ida-ne’e. Prosede estinsaun Gabinete Apoiu Tékniku no Jurídiku, inklui kria Diresaun Nasionál ba Asuntu Jurídiku, ne’ebé integra iha Diresaun Jerál Koordenasaun, Finansa no Planeamentu,” Ministru Prezidénsia Konsellu Ministru, Fidelis Manuel Leite Magalhães, informa hafoin enkontru ezekutivu, sesta ne’e, iha Palásiu Governu.

Liuhosi aprovasaun ne’e, kria Diresaun Nasionál Turizmu Komunitáriu no Kulturál, ne’ebé integra iha Diresaun Jerál Turizmu.

Jornalista: Florêncio Miranda Ximenes

Editora: Julia Chatarina

HAKEREK NO HATÁN

Please enter your comment!
Please enter your name here