Primeiru-Ministru, Taur Matan Ruak, prezide reuniaun Konsellu Ministru, iha Palásiu Governu. Imajen TATOLI/Egas Cristovão

DILI, 20 novembru 2020 (TATOLI)—Ministra Finansa ein Ezersísiu, Sara Lobo Brites, aprezenta projetu dekretu-lei, ne’ebé hetan ona aprovasaun iha reuniaun Konsellu Ministru (KM), kona-ba pagamentu estraordináriu saláriu adisionál fulan-ida administrasaun públika iha fulan dezembru.

“Pagamentu estraordináriu ida-ne’e ba funsionáriu, ajente no kontratadu administrasaun públika sira, exetu funsionáriu kontratadu ne’ebé ho saláriu $5.000 no funsionáriu kontratadu estranjeiru sira,” Ministru Prezidénsia Konsellu Ministru, Fidelis Manuel Leite Magalhães, informa  liuhosi konferensia imprensa iha Pálasiu Governu, sesta ne’e.

Biban ne’e, ezekutivu sira aprova projetu dekretu Governu kona-ba pagamentu suplementár ba funsionáriu no ajente Ministériu Finansa (MF), ne’ebé afeta ba prosesu preparasaun Orsamentu Jerál Estadu (OJE) 2020 no 2021 inklui serbisu durante taka kona Estadu 2020.

“Aprova mós dekretu Governu aprezenta husi Ministra Finansa ein ezersísiu, kona-ba pagamentu suplementár ba funsionáriu no ajente sira ne’ebé serbisu estra hodi prepara Orsamentu Jerál Estadu,” nia akresenta.

Suplementu ida-ne’e, ho objetivu atu kompensa volume estraordináriu serbisu funsionáriu no ajente MF ba prosesu preparasaun orsamentu.

Jornalista: Florêncio Miranda Ximenes

Editora: Julia Chatarina

HAKEREK NO HATÁN

Please enter your comment!
Please enter your name here