Imajen/PLFTL

DILI, 17 novembru 2020 (TATOLI) – Jogu Pra Liga Futsal Timor – Leste (PLFTL) ne’ebé hala’o, ohin kalan, iha salaun Futsal Kuartél Jenerál FALINTIL-Forsa Defeza Timor-Leste, Fatuhada, Dili, ekipa Mushila FC hurulele FC FIEL ho golu 4-2.

Golu ne’ebé kontribui primeiru iha minutu primeiru hatama hosi Loenardo da Cunha hosi FIEL iha minutu da-neen, maibé Mushila FC la nonook de’it nune’e. Tanba ne’e, iha minutu 14 Juaninho Fatima hosi Mushila responde kedas golu ida ba guarda rede FC FIEL nian hodi dudu score 1-1.

Ho golu empata ne’e, obriga  jogadór parte rua nian halo esforsu liután  iha kampu laran. Maibé sorte boot liu ba Mushila tanba iha minutu 19, Nidio Neto “les” tan golu ida hodi muda score ba 2-1.

FC FIEL halo esforsu atu muda rezultadu, maibé la konsege. Nune’e iha fali minutu 26 Rui Martins hosi Mushila halo tan golu ida hodi tonka rezultadu 3-1.

Oportunidade di’ak monu tanba Rui Martins tanba iha minutu 30 prodús golu ikus hodi hatuur loloos rezultadu ba 4-1.

Esperansa ne’ebé FIEL hein la hela de’it hanesan esperansa tanba iha minutu 34, Hernánio Abílio halo golu ikus hodi muda score  ba 4-2. Hosi golu ne’e mak termina ona jogu entre ekipa rua no vitória hela ba Mushila FC no  FC FIEL obrigadu tenke hela ho derrota.

Jornalista   : Hortencio Sanchez

Editór        : Francisco Simões

HAKEREK NO HATÁN

Please enter your comment!
Please enter your name here