Imajen TATOLI/Osória Marques.

DILI, 17 novembru 2020 (TATOLI)–Embaixadór Uniaun Europeia ba Timor Leste, Andrew Jacobs, hateten liuhosi Uniaun Nasionál Eskutériu Timor-Leste (UNE-TL) halo mudansa ba ema-nia moris liuliu sei fó tulun hodi fó influénsia ba ema seluk, hodi muda ema-nia hanoin kona-ba violénsia kontra feto no labarik feto sira.

“Ho ida-ne’e mak ami apoiu ita-boot sira liuhosi Spotligth tanba ho maneira ida-ne’e bele halo mudansa ba ema nia moris. Liuhosi ne’e mak bele promove kresiementu sidadaun ativu ho opurtunidade ne’ebé mak hanesan ba jéneru, rasa, kór, orientasaun seksuál, relijiaun ka kondisaun sosiál no muda ema-nia hanoin kona-ba violénsia kontra feto no labarik feto sira,” Embaixadór UE, Andrew Jacobs, ba jornalista sira iha Kofi Anan Meeting Hall, UN House, Caicoli, Dili, tersa ne’e.

Nia hateten, UNE-TL nia programa furak tanba ne’e nia dsei la tarde bainhira hola parte iha UNE-TL.

“Ha’u-nia moris, ha’u nunka tuir eskutériu maibé, ha’u husu deskulpa kona-ba ida-ne’e, ha’u mak uluk tuir karik, ne’e di’ak loos. Se bele, ha’u bele hola parte mós iha UNE-TL agora, karik la tarde mai ha’u. Ha’u nota katak iha prinsipiu importante hanesan eskutériu ne’e leál, prestativa, amigavél, kortes, laran di’ak, obidiente, alegria, ekonómiku, brani no moos,” nia dehan.

Embaixadór ne’e sente orgullu tebes bainhira patisipa iha asina akordu entre UN Women ho Uniaun Nasionál Eskuteiru de Timor-Leste (ENE-TL). Eventu ida-ne’e realiza iha ámbitu husi Inisiativa Spotlight atu hapara violénsia kontra feto no  labarik feto sira iha Timor-Leste. 

Initiativa Spotlight ida ne’e parseria globál konjunta entre Uniaun Eoropeia no Nasaun Unida atu involve ema hotu-hotu, feto no mane sira, lider formál no informal, instituisaun no individuál sira atu kria ambiénte favorável ida hodi kualker forma violénsia bazeia jéneru, partikularmente  doméstiku no violénsia íntimu hosi parseiru, no iha jerál nia objetivu atu empodera feto no labarik feto sira iha sosiedade.

Tanba durante pandemia COVID-19, Andrew  haree katak iha aumentu ba violénsia kontra feto no labarik feto sira.  Violénsia kontra feto no labarik feto sira-ne’e fenónemu globál ida maibé nível husi violénsia doméstiku no íntimu husi parseiru sei kontinua aas tebes iha Timor-Leste ne’ebé mak ho 38%-59% husi feto sira iha esperiénsia ho violénsia iha sira nia moris. 

Iha pandemia krize COVID-19 tensaun aumenta iha fatin hotu-hotu inklui mós iha uma, dala barak nia rezultadu mak aumentu ba violénsia.  Buat barak halo tiha ona iha Timor-Leste atu mellora igualdade ba jéneru iha estrutura ida legál no polítika no nia implementasaun dezenvolve ba daudaun.

Entaun ho kestaun hirak ne’e, nia dehan, vitima komesa ko’alia ona kona-ba saida mak sira sofre no mídia sira komesa halo denúnsia kona-ba violénsia bazeia ba jéneru.

Problema hosi violénsia kontra feto no labarik feto sira la’ós problema “kulturál” ida ne’e dala barak sai hanesan “defeza” iha komundade maibé hosi atetude no relasaun podér jéneru mak halo mudansa mentalidade iha nível família, komunitária, insititusiál no govermentál.

Atu testemuña direitamente implementasaun ba Initiativa Spotlight iha Timor-Leste, mak Uniaun Europeia kontribui direitamente ho dolár amerikanu milaun 15.

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here