Prezidente Tribunál Rekursu (PTR), Deolindo dos Santos. Imajen Tatoli/Egas Cristóvão

DILI, 10 novembru 2020 (TATOLI)-Prezidente Tribunál Rekursu (PTR), Deolindo dos Santos, konvida Prezidente Repúblika (PR), Francisco Guterres ‘Lú-Olo’ atu hatuur  fatuk-inan (lançamento primeira pedra) ba konstrusaun edifísiu foun Tribunál Distritál Dili (TDD).

“Ho esforsu tomak ne’ebé  ita halo iha tempu badak, ita sei halo lansamentu ba konstrusaun edifísiu Tribunál Distritál Dili nian, tanba ne’e, ha’u mai husu disponibilidade  Prezidente Repúblika atu halo hela lansamentu ba konstrusaun iha loron 25 novembru, tinan ne’e,” Prezidente Tribunál Rekursu, Deolindo dos Santos, informa ba jornalista hafoin remata enkontru ho Xefe Estadu, ohin, iha Palásiu Prezidensiál, Dili.

Kompañia China  Internasionál Economic Corporation Group Co. Ltd, maka  sai vensedór  ba konkursu públiku ba projetu konstrusaun edifísiu Tribunál Distritál Dili (TDD) ho  orsamentu millaun $10-resin.

Iha loron 5 dezembru 2019, asina ona kontratu entre obra  na’in Tribunál Rekursu  ne’ebé asina direita hosi Prezidente Tribunál Rekursu (PTR) Deolindo dos Santos  ho kompañia.

Edifísiu foun TDD atu konstrui ne’e ninia medida sei luan no boot liu  kompara edifísiu Tribunál Distritál atuál, inklui estabelese fatin ba juis ho defensór sira atu hala’o sira nia knar hodi fó atendimentu públiku di’ak liután.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here